出售原味底褲、原味胸圍、原味絲襪等，相信大家都聽過，估唔到有骨場技師為咗搵外快，竟然偷姊妹嘅內衣褲售賣賺錢。不過講到離奇，都唔及台灣有小姐畀人拉完之後，反而生意更旺，收入更多，真係估佢唔到。
更衣室發生失竊案時有所聞，而內地骨場嘅技師更衣室亦是如此，但偷嘅唔係手機同銀包，而係胸圍底褲！須知道骨場技師上班時，都會換上另一套內衣褲，因為衞生問題，費事畀客人搞污糟晒仲要着住成日，因此將換出嚟嗰套內衣褲放喺更衣室。由於呢啲內衣褲唔係咩值錢嘢，故此技師們都會隨便掛喺度就算，好少會收埋喺Locker，點知最近唔少技師發現內衣褲不翼而飛，睇過更衣室外嘅閉路電視，冇見到男人入過去，咁邊個偷呢？經過調查後，發現原來係當中一位技師所為，呢位技師表示原味內衣褲喺網上有價有市，由於自己冇咁多貨，於是就偷人哋嗰啲拎去賣賺錢囉。
理論上囡囡都係「人怕出名豬怕肥」，如果紅到個個都識，真係好難做到生意，不過凡事總有例外！話說台北市南港警方早前喺一間汽車旅館門口設置路檢，見到形迹可疑嘅女性從旅館行出嚟，於是上前盤查，呢位25歲陳姓女子承認喺旅館內提供全套服務，收取6,000元新台幣（約1,250港元）嘅服務費。一般囡囡見到警察必然會死口唔認，點解佢會咁順攤呢？警方當時見陳女咁坦白，就問佢係咪第一次被人拉。陳女大方咁話：「之前畀人拉過，我仲上埋新聞添！」佢仲話呢啲嘢冇乜好隱瞞，最多係罰錢了事。原來呢位化名瑞莎搵食嘅陳女，喺上個月一次警方掃黃行動中，發現佢同一位警員有性交易，因而哄動一時。有應召站注意到呢件案，竟搵佢做生招牌，結果陳女嘅生意大增。不過話說回來，喺短時間內被拉兩次，係咪仲係罰款咁簡單呢？
對愉虐情有獨鍾同時又有被虐傾向嘅玩家嚟講，要玩得開心，最重要係搵個啱心水嘅女王調教一下。呢間名為「激安S 金髮女王樣」嘅日本風俗店，係M男一族嘅玩樂熱點，佢最大嘅特色係一眾女王都係外國人，當中有嚟自英、美、法、俄及烏克蘭，雖然唔係個個都係金髮綠眼，但係勝在身材夠火辣。不過，調教玩法最緊要係溝通，而呢班外籍女王個個都講外語，咁日男玩家咪聽唔明講乜囉？唔使擔心，原來呢班外籍女王個個都識少少日語，更係帶有關西口音。唔少玩家表示，呢種口音令佢哋好有親切感，而肉緊起嚟聽到囡囡講英文，就幻想自己係外國四仔嘅男主角，感覺零舍刺激，最重要係收費唔算貴，計埋指名費，60分鐘嘅服務係12,000日圓（約924港元），對好此道玩家嚟講確係吸引。
撰文：魂