要喺床上令女伴滿足，唔係一味靠死砌爛砌，只要記住四個重點，就可以令女伴不能忘記你喇！男同女各自有性幻想對象，有調查發現最多女仔幻想嘅對象原來係自己嘅男友。
小弟有位長者朋友咁近花甲之年，但係一樣女伴無數，佢話重點唔在於力度是否夠雄猛，而在乎有冇技巧。咁有咩技巧令女伴愛到死心塌地呢？早前英國網上媒體Daily Star有篇文章綜合咗各方研究而得出四大重點，首先一定要做足前戲，因為女仔唔同我哋男人，佢哋需要循序漸進嘅快感至可以進入狀態，一般嚟講15至40分鐘前戲先可以真正將佢哋撻着！第二唔好掛住搵G點，根據泌尿科專家Helen O'Connell嘅研究，唔係個個女性都擁有G點，所以咪浪費時間，更加唔好因此而搞到對方唔舒服。第三唔好以為單靠抽送可以將女伴帶上高潮，研究發現近8成女性唔會因為交合而獲得高潮，咁點算？做多啲前戲以及刺激陰蒂囉！第四就係完事後攬住女方瞓，研究話71%受訪女性表示男方咁做的話佢哋會覺得好舒服好滿足o架。
小弟溝女無數，不過都係得個溝字，得手嘅女友只得兩個。近期又再生起溝女念頭，故向好多師兄請教，佢哋話我一直以來都犯下一個思想上嘅錯誤，就係以為女仔對性冇興趣，事實上女仔都會痕，會有性幻想！係喎！如果唔係又邊會有咁多女仔願意同人發生一夜情呢？我真係蠢喇！咁女仔有性幻想，對象又會係咩人呢？日本一個調查就呢方面問題訪問咗473名成年女性，結果第三位係虛構人物，例如小說、動漫嘅男角色有性幻想，咁又啱！呢類男角被描寫到有咁靚仔得咁靚仔，當然會引起女仔性幻想啦！至於第二位係單戀中嘅男仔，呢一點同男仔一樣，唔需要多作解釋喇。第一位係女仔本身嘅男朋友，點解呢？男友已經被佢哋得到手啦！仲有幻想空間咩？有受訪女仔表示會幻想男友變到好鹹濕，對自己做出各種刺激嘅床上玩意喎！照咁睇法，好可能係日本嘅男仔主動性唔強，喺床上亦表現得唔夠奔放喎！各位港男如果有機會識到日本女仔，就要主動啲、奔放啲喇！
撰文：賢