如果你得一份工，嗰份叫「陰功」真係無講錯！美國求職網站CareerBuilder最近進行一項調查，發現超過3,200位打工仔中佔29%有秘撈，當中25至40歲嘅一群佔人數最多！咁脫星又點呢？其實佢哋先係秘撈王，好似Samantha Saint百足咁多爪，收入不知幾和味。
脫星唔一定要受制於四仔片廠，今時今日自己波哋自己經營一樣行得通，成功例子有Samantha Saint。呢位女神中嘅女神喺2011年入行，只做女同表演，但由於質素超班，J迷對佢嘅慾火根本無法控制，徇眾要求佢落床砌，結果一年後獨家簽畀Wicked Pictures，期間要風得風，單係拍男女床戰可以堅持戴套上陣，就知道阿妹嘅江湖地位幾高啦！其後有傳言話Wicked要求愈嚟愈多，搞到雙方關係破裂，阿妹唔再續約，拋個身出去Adam & Eve、Brazzers、Girlfriends Films、 Hustler等拍部頭四仔，女神地位無變，但其他廠就唔會買佢怕，Samantha Saint都要接受「環保爆」囉！未知係咪個「袋」令當事人耿耿於懷，離開Wicked後人氣有跌無升，亦由呢段時間開始，Samantha Saint轉戰網絡界，喺網上搞生意，減少實體四仔演出，將女神脫星之位拱手相讓！
有自己生意梗係好啦，但靠個人之力，四仔迷未必跟得咁貼，結果阿妹喺前年近乎一年拍一套四仔，掛住脫星個名，根本冇再同姊妹鬥，不過唔代表佢離開四仔界，其實Samantha Saint好落力出騷，幾乎每日都喺夜場「瞓」，就以Asa Akira早前講過一般脫星每晚「騷價」最少2,000美元計，Samantha一個月袋60,000美元，約47萬港元， 收入比正職拍四仔多，加上阿妹緊貼住「色情潮流」，玩戀物、多P、黑白配放喺個人網站收費大放送，所有演出及收益都自己話晒事，經過呢兩年努力，夠膽講句Samantha仲威過一線脫星o架！
今期Samantha蒲番出嚟，眼見成人新聞網都有幫佢宣傳夜場活動，不少四仔迷都以為阿妹會重返床上，咁諗法太天真，睇佢走勢頂多維持一年一套，早前Samantha Saint先喺娘家死對頭Vivid旗下夜場Vivid Gentlemen's Club出騷，擺到明當Wicked Pictures死嘅，仲有呀，呢幾年阿妹每次接受傳媒訪問，被問到粉絲Must Have四仔，答案總係同娘家無關，讚嘅導演更係Jules Jordan一個，可見佢當日真係不歡而散離場。四仔迷可以輕鬆講句Samantha忘本，但細佬就覺得阿妹將憤怒化為動力，捱到今日成績，呢啲先係「真脫星」呀！
撰文：祖