所謂三十而立，四十而不惑，年紀大咗思想應該會成熟，對感情事尋求穩定，之不過有調查顯示40歲嘅女性出軌比率相當高。德國啤酒世界知名，而幕尼黑啤酒節喺早前盛大展開，一陣就帶大家睇吓現場一班低胸啤酒妹有幾索啦！每個人都有難忘嘅回憶，唔知男士們喺邊度地方進行性戰最為難忘呢？
以前好多人都話女人去到四、五十歲，性慾達到最高峰，呢個時候老公就要小心，要好好咁滿足老婆，否則一定會出現爭拗，甚至因為性生活不協調而搞到離婚，又或者係老婆背夫偷漢添。最近日本網站「AM總研」進行一次規模頗為大型嘅調查，訪問咗1,844名成年女性，其中一個問題係同出軌有關，結果發現已婚女性當中有38.5%曾經背住丈夫偷食，即係每10個老婆就有接近4個試過勾佬！至於邊一個年齡層嘅老婆出軌比率最高？20歲至30多歲嘅約為1成，40至44歲嘅出軌比率最高，達到85.4%，至於年過50歲嘅亦緊隨其後，比率為83.0%。嘩！果然係狼虎年華性慾強喎！
為咗追求夢中女神，小弟最近好努力，努力咁讀書增長知識，努力咁減肥，因為女神鍾意身材比較瘦嘅男仔。為咗減肥，小弟除咗勤做運動，亦控制飲食，飯食少咗之餘，連啤酒都唔飲。之不過，嚟到10月，相信好難再忍得住唔飲酒喇！原因係好多地方都跟隨德國慶祝啤酒節，到時除咗美酒佳餚共冶一爐，仲會有好多靚靚啤酒女郎添！雖然本地嘅啤酒節多靚女，但係德國嘅啤酒節仲多，兼且佢哋嘅衣着性感誘人。早前德國慕尼黑啤酒節（Oktoberfest）已經開始咗喇，呢個號稱為世界最大啤酒節活動今年已經係第183次舉辦，一如以往吸引到大量酒客到來狂歡，當然啤酒節吸引之處亦在於有好多標致嘅啤酒女郎，佢哋換上傳統服裝奉酒侍客，最吸引係件衫相當低胸，個個都酥胸半露，真係酒不醉人人自醉，一齊為巨乳乾杯啦！
小弟拍拖次數唔多，可能因為咁每次拍拖嘅過程都令我依然歷歷在目，而當中最難忘嘅一次就係去到女友屋企同佢玩煮飯仔。當晚佢父母親同姊妹都出晒街，我哋先拍拖買餸再返歸慢慢煮，期間我哋打情罵俏，又互相「抽水」，差少少連餐飯都未煮好就要「開戰」！至今事隔多年，我仲好記得佢嘅閨房布置係點樣。往事回味完喇！唔知各位男士們又有咩「性地」最難忘呢？早前日本網站「Menjoy!」就呢方面嘅問題訪問咗500名成年男士，結果排第三位係自己屋企，咁又係，喺自己屋企開戰放心又舒適，回憶一定好難忘啦！第二位係正規酒店房間，至於第一位就係時鐘酒店，佢哋話每次都抱住盡情享受床上歡愉嘅心情，而設備同氣氛都完全配合，每次都令佢哋好難忘喎！
撰文：賢