絕大部分嘅商業活動都講求人氣，人氣愈高生意就愈好。不過大家又有冇諗過，風俗孃都可以當成藝人咁嚟包裝呢？日本就有風俗店咁做。唔單止當正一班風俗孃係明星，仲要幫佢哋出埋唱片同寫真，最重要係有得睇又有得食，娛樂性真係爆晒燈！
玩家北上玩樂，開餐場所唔係囡囡個竇就係酒店或賓館，卻甚少聽到玩家會喺自己個竇度開餐。首先唔係好多玩家喺內地有竇，其次因為擔心囡囡手腳唔乾淨，萬一有乜問題都唔知點算。對囡囡嚟講，去到陌生人屋企，點知對方會唔會匿埋啲乜嘢人喺度，到時真係叫天不應叫地不聞，因此呢種服務一直開拓唔到。不過隨住移動網絡同手機定位嘅普及，令到唔少業界人士磨拳擦掌，希望可以開拓呢個新戰線。點解會吸引業界人士嘅注意呢？原來部分酒店嚴格執行入住人士規管外，一啲時鐘酒店亦成為嚴密監管嘅目標。另一方面，一啲一樓一架步同色情髮廊，擔心遇到突擊檢查。相對嚟講，玩家一個電話囡囡直接送上門，既方便亦可避免相關風險。不過家陣最大嘅難題，卻係點樣監管玩家偷拍，暫時仲未有解決辦法。
法律上，所有男性一到18歲就係成年人，只係唔少損友卻認為，只有真正付出第一次後，先至係名副其實嘅真男人。喺呢種觀念嘅影響，加上呢個年齡嘅埋堆心較重，希望獲得同輩認同關係，故此佢哋每當到色情場所，諗住同女郎嚟個真箇接觸變大個仔時，都習慣唔用套以示自己嘅勇氣。事實上，台灣唔少從事色情服務嘅女郎都認同，呢類男士往往慣於唔用保護措施，以凸顯自己嘅勇氣。雖然佢哋敢於唔戴套，但囡囡卻唔係咁願意同佢哋有接觸。點解呢？原來呢啲男性有機會係潛在性病者！佢哋話就話係初出茅廬，只係當中唔少人食髓知味，最重要係佢哋部分缺乏性知識，結果有調查指，性病求診嘅患者中，有8成係20歲以下嘅年輕男士，當中以感染淋病者最多。囡囡為自己健康着想，對呢類唔願用套嘅玩家，情願提供半套服務，都唔願意同佢哋真箇銷魂。
日本藝能界有唔少偶像團體，而AV界中亦先後有唔少女優組成偶像組合，只係大家有冇諗過，原來風俗孃亦可以組成地下偶像組合呢？位於日本東京秋葉原嘅風俗店「AKIBA IDOL」，睇個店名就知道佢模仿某隊日本人氣偶像女團個名而嚟。佢雖然係山寨版，但係抄得相當認真，唔單止為風俗孃專門打造女團戰衣，仲為每位風俗孃改咗個同正版成員差唔多嘅名，更搵嚟專業攝影師為佢哋拍攝造型相，因此佢哋被稱為「地下偶像」，仲會推出單曲唱片同埋寫真DVD，喺風俗店及書店內發售，係咪勁先？風俗店花咁多錢幫風俗孃進行偶像打造工程，會唔會變咗有得睇冇得食呢？嗱！呢個就係同偶像女團嘅分別，事關佢哋真係食得到o架！當然，佢哋人氣咁高，冇番咁上下銀両，睇怕都好難約得到。
撰文：魂