開學啫，有乜好怕喎！按個人經驗，怕嘅唔係要讀書，而係怕學校呢個地方，因為要跟足規矩做嘢，上堂唔可以瞓覺和打機。不過人大咗，發覺學校原來係個好可愛嘅地方，起碼唔使為搵食而頭痕。有見及此，今期一於搜羅同學校及School有關嘅俚語同詞彙，學識之後相信各位會有新睇法。
嗱，大家千祈唔好叻唔切，以為「High School Sex」係指高中性愛，其實按年齡推斷，呢個時期絕大部分嘅男女都係唔夠秤。咁「High School Sex」又指乜嘢呢？原來喺英文俚語中，佢係指一場感覺差到爆嘅床戰。喺外國人嘅思維裏，人生第一次性接觸嘅感覺都唔會好得去邊，理由係呢個年紀既無經驗又易衝動，結果好易出事，所以有人為呢個詞語作出「Worse than viagraless sex is high school sex.」呢個註解，意思係「High School Sex」慘過不舉嘅性愛。第一次嘅感覺真係咁差？有避孕套品牌喺2012年做過一個關於第一次性愛滿意度嘅調查，結果發現喺受訪嘅36個國家，有五成二嘅土耳其人表示好滿意，但喺日本卻僅得三成五人覺得滿意。睇嚟第一次滿唔滿意，唔同國家可能有唔同嘅體驗。
「School of Venus」中嘅Venus唔係指金星，而係古羅馬神話中嘅維納斯，「School of Venus」當然唔係維納斯學校，而係暗喻為妓院！維納斯點解會同妓院扯上關係？須知道古羅馬神話同希臘神話有莫大關係，而維納斯嘅原型係阿佛洛狄忒（Aphrodite）。希臘神話中嘅阿佛洛狄忒代表愛情、美麗、性慾，因此佢有性愛女神嘅稱號，後經羅馬神話發揚光大，其對應嘅維納斯便成為性愛女神。
德國大型成人博覽會Venus就以維納斯命名，呢個早喺1997年首辦、於柏林展覽中心舉行嘅博覽會，雲集全球97個國家、超過260間公司參展，每年展覽期間吸引超過3萬名觀眾入場。今年博覽會將於10月13日至16日舉行，有興趣可以留意一下。
日本嘅AV文化博大精深，喺2003年5月25日有間專門研究日本AV文化嘅學校成立，名為AV文化學校（ＡＶカルチャースクール）。大家咪以為佢係噱頭嘢，呢間接受全日本AV迷入讀嘅學校，由曾經演出過《日本暴行黑暗史：異常者的血》、《花井幸子的璀璨人生》、《官能團地：上下刺激》等著名色情電影嘅男優久保新二擔任校長，並請嚟自1985年開始拍色情電影及演出AV嘅殿堂級女優菊池英里擔任名譽特別講師。學校開設AV表演、AV劇本創作、AV攝影及AV導演4個專業學科；授課時間安排喺周末進行，讀完所有課程差唔多要一年時間，而學生不但可自由選擇報讀不同類型課程，仲有機會到AV片場實習同埋參與拍攝工作，甚至可以同AV男女優取經添！好有興趣報讀？唔好意思，呢間學校現時處於休業期，幾時開番都唔知。
如果鍾意睇制服誘惑，又想體驗一下歐洲四仔嘅話，呢套由法國四仔廠Marc Dorcel推出嘅《Anissa & Lola: At Nurses' School》定不能錯過。呢套由著名法國色情導演Franck Vicomte執導，並由兩位法國脫星Anissa Kate及Lola Reve擔綱演出嘅作品，故事圍繞住一間護理學園，講述兩位火辣嬌娃同老友Vanda Lust本身相當豪放，當佢哋入讀護理學園後，不改其爛玩個性，周圍搞搞震之餘，仲上演連場火辣大戰。當中嘅情慾場面固然拍得相當有美感，劇情相對美國四仔更加精彩。難怪呢套作品喺2015年第32屆AVN頒獎禮中，獲得最佳海外四仔獎，同年又喺XBIZ頒獎禮中獲得最佳歐洲作品嘅提名。
撰文：魂