水能載舟亦能覆舟，任何有益嘅食物過量食用都會帶來負面影響，助性食物亦都一樣。人人都希望社會和諧，不過一個叫做「Go Topless Day」嘅街頭抗爭活動，相信男士們希望可以日日上演。家陣溝女會用手機通訊App，咁每日同女方通訊幾多次至係最理想，從而成功溝到手呢？
正所謂藥補不如食補，男士們如果覺得精力不足、性趣缺缺，最好梗係求醫啦，而平日就要注重健康生活習慣，做適量運動及吸收營養。亦有男士會選擇從日常飲食當中，進食較多有助性功效嘅食物，到上床時就可以發揮最強雄風！不過，助性食物亦要食得適量喎！最近有英國新聞網站就引述專家意見，點出幾款助性食物如果食用過量就會助性變敗性。首先文章提及嘅係大豆產品，大豆含有豐滿蛋白質，幫助男士們產生精子，但係當中亦含有植物性雌激素，如果每日食用過多大豆激素就會令精子減少！另外，之前有研究指出芝士可以助性，但係芝士由牛奶製造，牛奶由母牛生產，多少都會含有雌激素以及雌性賀爾蒙，食得過量會降低男士嘅睾丸素水平，性趣亦可能會降低。另外，好多研究都話朱古力有助性作用，更加令女士有初戀嘅感覺，但係食得多亦可能會降低男士嘅睾丸素水平，女士們則會昏昏欲睡！
以前溝女會打固網電話，後來用手提電話，家陣唔使講，就梗係用手機通訊App，一來雙方唔係咁得閒可以成日傾電話，二來互通訊息嘅過程神不知鬼不覺，咁就唔會畀老細發現你掛住溝女啦！之不過，小弟就擔心如果成日都Send訊息畀對方，會唔會令佢覺得好煩厭呢？早前日本就進行過一項調查，以了解一下女性同男仔拍拖之前，每日同對方用手機通訊App溝通幾多次為最理想呢？結果有46%受訪女性表示最理想係每日一次，而每周三至四次嘅佔27%，另外每日三次以上嘅則有23%，咁睇嚟小弟都係每日同心儀對象通訊一次就夠喇。
女仔成日同男仔講話要男女平等，之不過每次出街食飯、睇戲，只要男仔提出AA制，女仔就會破口大罵：「乜你咁冇紳士風度o架！」最慘係男仔被鬧完一餐之後，仲要畀埋女方嗰份錢！男士們若然遇到女方說甚麼要求男女平等，先叫佢哋學吓呢班外國女仔咁解放自己嘅乳房！話說早前外地好多城市都舉行「Go Topless Day」，好似紐約就有好多女支持者赤裸上身上街遊行喇！呢個活動係點嚟嘅呢？原來係喺2007年由一位法國女士發起嘅，目的係為咗爭取男女平等以及女士可以享有於公眾場合露乳嘅權利。當日，好多支持者都上街露出雙乳遊行，向世界宣揚男女平等訊息！
撰文：賢