美國人愛自由性格又開放，不過有研究發現當地年輕一代漸漸步向無性時代。古時有說書人為大眾講古仔，最近日本就有人喺圖書館講鹹古。慾火上升令好多男人行為上有所轉變，為免自己嘅狼相被發現，男士們要注意一下舉止喇！
家陣日本有好多年輕一代都唔願做愛，搞到當地生育率長期徘徊於低水平。日本同美國素為兄弟之邦，連呢方面大家都出現相同情況，年輕一代漸漸變得草食化，即是純粹享受交友過程，而唔享受性愛樂趣。芝加哥大學嘅全國民意測驗中心早前喺美國進行過一系列調查同研究，並將數據以及分析出嚟嘅結果，刊登於雜誌《Archives of Sexual Behavior》當中。根據研究結果顯示，網絡約會已經成為年輕一代最常用嘅溝仔溝女方法，佢哋亦因為習慣咗呢種虛擬方法而變得行為消極，更加因為接觸智能產品及電腦多，寧願打機上網都唔做愛，數據就反映出20至24歲嘅男女當中有15%唔想做愛，比九十年代初進行嘅同類調查結果高出6%咁多！睇嚟美國當局真係要諗計喇！否則好似日本咁陷於低生育率嘅漩渦當中喇！
小弟細細個就好鍾意聽長輩講故事，到長大之後，開始聽電台嘅廣播劇，家陣變成麻甩佬之後，開始追求色情資訊，試過打鹹濕電話聽鹹古！之不過，聽鹹古係咪一定要偷偷摸摸呢？早前喺日本岐阜縣飛驒圖書館就上演咗一個官能小說朗讀會，開宗明義公開向公眾朗讀鹹古，負責朗讀嘅係圖書館館長以及兩位助理，一共三名女士。由於三位女士自知樣貌並不標致，故此朗讀鹹古嘅時候戴上面具。佢哋之所以咁做，其實係認為官能小說都係一種充滿修辭技巧嘅文字藝術作品，希望透過朗讀令大家更能夠欣賞到當中用字之獨到同精深。據聞飛驒市長對佢哋嘅勇氣都相當欣賞，希望好快又有下場演出啦！
好多人都有小動作，而每次做小動作嘅時候，其背後都有意思。最近日本官能小說家小川沙耶有鑑於近日天氣炎熱，街上嘅女仔都着得特別少布同性感，為免班女仔惹起色狼注意，於是就撰文提點一下班女仔，並列出各種男人就快現出狼相時嘅小動作！可能你會話，女仔知道呢啲小動作就有用啫，咁男人知道咗又點呢？就梗係留意一下自己「目及」女「目及」到起痰之時會唔會咁做囉！小川沙耶話男士開始現狼相嘅時候，鼻息沉重夾雜音，原因係呼吸急促所致；其次就係聲音變得低沉，因為呢個時候男人身體嘅下半部分開始加速運作，說話亦變成用上丹田氣，最後就係步法改變，咁樣好容易理解，因為佢已經勃起來囉！
撰文：賢