以前成日聽到啲玩家講「唔滾唔知身體好」，當然呢句說話對好多人嚟講，都只不過係講笑或者去玩嘅藉口，不過大家有冇諗過對於長者嚟講，呢句說話原來係真呢？
大家都明白年紀愈大，床上表現愈力不從心，之但係身體唔得，唔代表冇色心，加上佢哋有時間關係，因此長者去尋花問柳亦非奇事。有內地業界人士指呢班長者玩家，正正係佢哋未來着力發展嘅市場對象，尤其係夜總會，希望能夠吸引到多啲年長者玩家光顧，原因係佢哋睇中呢班長者玩家有相當高嘅消費能力。夜總會嘅收入大部分嚟自酒水同囡囡嘅出枱費，但原來唔少長者嘅酒量唔差，而佢哋出枱嘅目的並非單純曳曳，有時只係搵個人傾吓偈，至於有冇真箇銷魂則唔重要，更何況有囡囡指，長者玩家嘅小費畀得相當疏爽。
如果有留意開台灣嘅色情服務，都知道佢哋嘅囡囡嚟自內地同越南為主，而近來卻湧現印尼囡囡，無錯！佢哋就係印傭！原來有啲本嚟到台灣打工嘅印傭，走去做囡囡搵食。最近桃園警方就破獲咗一個由印傭操控嘅色情工作室。25歲嘅負責人米娜原本到台灣做傭工，一年前逃離工作單位，然後喺今年1月跟35歲侯姓台灣男友，喺當地租用公寓作為淫竇。米娜負責搵同鄉姊妹加入囡囡行列，而侯男則負責喺網上宣傳吸引玩家幫襯，每次30至70分鐘嘅半套服務，收費1,600至2,600元新台幣（約400至625港元）不等，當中佢哋可抽取4成佣金。由於消費並唔算貴，加上南洋風情有新鮮感關係，故此生意相當唔錯。
日本嘅角色扮演風俗店可以分為兩大類，一種係單純讓風俗孃換上各種職業嘅制服，另一種則係風俗孃從外形到言行都扮得好神似，例如囡囡扮演JR服務員嘅話，玩家一入到房，囡囡就會當玩家係乘客般招待。至於邊種職業最受玩家歡迎呢？答案竟然係家庭主婦，仲要係媽媽角色！據一間位於神奈川嘅人妻風俗店「人妻最後的堡壘」嘅負責人表示，原因係令玩家感受一種特殊嘅母愛，以滿足佢哋返老還童心理。其實當初佢哋諗住開設呢個家庭主婦系列，只係畀玩家多一個選項，估唔到反應會咁好。為咗滿足玩家，風俗孃當玩家好似囝囝咁教導，例如玩家一入到房，風俗孃就會質問對方：「點解咁晏先返屋企？」然後再鬧對方：「最近成績做乜咁差？」最後當然唔少得「體罰」啦！
撰文：魂