大家都知世事並無完美，即使幾努力去追，結果通常只有「更完美」而冇「最完美」，好似完美嘅異性咁，根本就唔存在。諗諗吓，講咗等於冇講，不如返番去地球睇下喺情慾字海中，有乜嘢情色俚語同經典AV，同完美及Perfect有關仲好啦！
現實世界雖然冇完美女友，但喺情色俚語中卻有「Perfect Lady」呢個詞語。不過大家唔好叻唔切立即對女友講呢個詞語，皆因喺19世紀嘅情色俚語中，佢係妓女同淫娃嘅代名詞。至於呢個俚語嘅出處，據講係由於當年嘅妓女，被男性視為完美嘅化身，因此出現呢個俚語。講開19世紀，大家又知唔知當時喺英國有個被稱為「倫敦妓后」（Queen of London whoredom）嘅妓女呢？佢就係1829年喺北愛爾蘭安特里姆郡Glenavy出生嘅名妓Laura Bell。早喺十幾歲就喺都柏林從事高級妓女工作嘅佢，憑住美貌同聰敏，喺社交界有相當名氣。其後搬到倫敦嘅佢更過住奢華生活，每日坐住鍍金馬車喺海德公園遊車河，並跟富有嘅貴族調情。喺佢21歲時，尼泊爾王子Jung Bahadur Rana深深愛上咗佢，喺90日「相處」時間中就喺對方身上使咗25萬英鎊，而當時嘅機械維修師傅年收入不過係50英鎊。
如果係球迷嘅話，都知道「Perfect Hat-trick」解做帽子戲法，即係同一個球員喺同一場球賽入咗三球嘅意思。不過喺情色俚語中，佢則有另一個意思，就係指喺同一場床戰中，按先吹奏、入「正道」同走後門嘅次序玩齊三種玩法。次序調亂成先後門，跟住吹奏，最後「正道」得唔得？唔得！一定要跟次序先至可以叫做「Perfect Hat-trick」，同埋呢個次序應該冇女會理你。性愛中玩吹奏好常見，只係有幾常見先？瑞典情趣用品商曾喺網絡做咗個調查，喺約3,000名受訪者中，有百分之九十六受訪者指曾經提供或享受過呢種玩法，睇嚟又真係好常見喎！不過講到齋吹奏直至發射而唔曳曳，卻有百分之五十四表示接受唔到，只係當中男定女佔大部分，唔好意思，個報告冇講。
身材唔單止可以整體嚟睇，仲可以分開嚟睇，就好似由美國著名四仔片廠Adam & Eve喺2010年推出嘅作品《Perfect Ass: Alexis Ford》，就係一個好例子。呢套由著名四仔導演Andre Madness執導、並由當時啱啱喺FAME頒獎禮中，獲得最佳新進脫星大獎嘅Alexis Ford擔綱演出的作品，仲搵嚟Lexi Love、Asa Akira、Gracie Glam等超人氣脫星坐鎮。單憑呢張演出名單，就已經感受到有幾咁星光熠熠。本嚟Alexis嘅美股已經夠晒搶眼，加上一眾美艷脫星嘅扶持，令呢套大玩美股誘惑嘅四仔喺2012年嘅AVN頒獎禮中，獲得最佳美股作品嘅提名。如果想感受一下美股雲集嘅視覺盛宴，絕對唔可以錯過呢套作品。
日本AV界中身材好到爆嘅女優大有人在，既然係咁，片廠梗係要出番個專門系列，等AV迷可以一次過睇晒片廠嘅專業推介啦！由日本AV片廠Ideapocket自2007年至2008年期間推出、以大賣火辣身材為主題嘅AV系列「PERFECT BODY SEX」，絕對可以滿足AV迷對呢方面嘅要求。呢個系列先搵嚟戀小夜、美上千里、瀨織莎拉、松下怜及稻森詩穗梨（現改名芦名未帆）演出，憑住佢哋嘅火辣身材，人氣直逼另一同樣主打玲瓏浮凸身材女優嘅片廠E-BODY嘅作品。喺上述5位曾演出過呢個系列嘅女優中，尤以現時叫芦名未帆嘅稻森詩穗梨，佢副偈最為引人注目。身高5呎3吋嘅佢，車頭燈有成35G之巨，配合埋粉紅色嘅上下三點，叫人又點可能唔愛上佢呢？
撰文：魂