有前輩講過喺十幾年前嘅內地，曾經見識過有間一層高農舍，劃分成幾間細房，裏面只放得一張3呎床，囡囡以50元人民幣提供色情服務，據講呢個地獄級架步深受當地玩家歡迎，估唔到時至今日，仍然存在。
江西南昌市南昌縣富山鄉有個設於農田間嘅淫竇，以鋼板搭建而成，從外面睇嚟似一間飼養家禽嘅棚屋，裏面劃分成4間房，房內設有床鋪。話說早前當地警方收到舉報後，就派出20幾位警員前往掃蕩，乘車到達附近後，佢哋足足行咗3公里嘅泥濘小路，先至到達淫竇，然後將屋內36歲囡囡、35歲玩家以及68歲殷姓負責人逮捕。據殷某供稱，早前有朋友搵佢話可以利用棚屋嚟做色情架步，於是以3,000多元人民幣租咗呢間棚屋，卻估唔到地方咁偏僻，仍然被查獲。話時話，咁遠又咁簡陋嘅架步都有人去幫襯，鹹濕嘅力量真係大呀！
以往喺台北從事色情服務嘅囡囡大多嚟自內地，但隨住時間推移，今時今日冒起一股新興嘅東南亞勢力，當中以越南妹最多，其次係泰國妹同緬甸妹。有台灣玩家稱，因為異國風情夠吸引，加上房間點晒香薰蠟燭，好有風味咁話。亦有玩家覺得東南亞囡囡任怨任勞，服務態度夠體貼，當然最吸引係價錢相宜。至於呢啲東南亞女郎唔會喺色情養生館、美容院等地方落腳，反而類似一樓一嘅個體戶方式經營。另外，佢哋嘅網絡宣傳攻勢相當厲害，配合玩家嘅「包膠」，令佢哋聲勢日強。不過聲勢響還響，由於佢哋專揀民居區營業關係，故此有唔少居民投訴，睇嚟有關方面將會有所動作。
早前講過日本近排興起肉感風俗孃，當中尤以熟女系最受玩家歡迎，亦因為咁嘅關係，冒起唔少主打肉感兼豐滿嘅「豐」俗孃風俗店。不過市場競爭大咗，風俗店想生存嘅話就要絞盡腦汁，平價係最基本嘅方法，而開拓新玩法亦係其中一個辦法。最近橫濱就出現一間糅合「豐」俗孃同水床玩意嘅出張風俗店，其實服務內容同一般嘅泡泡浴風俗店差唔多，分別在於「豐」俗孃會帶埋張水床去到玩家屋企，然後以超肉感嘅肉體接觸，從而畀到玩家非凡嘅肉感體驗。為咗畀玩家更多選擇，除咗可以按體重揀選心水囡囡外，喺肉體接觸期間，玩家可以選擇用按摩油或化妝水，從而提升快感。驟眼睇呢種玩法冇乜特別，事實上卻相當受到玩家歡迎。有玩家指由於「豐」俗孃人數唔多關係，故此如果想享受呢種服務嘅話，要提早預約。另外有玩家稱，最欣賞係「豐」俗孃嘅專業態度，一啲高難度體位會盡力配合，值得捧場。
撰文：魂