愛得愈深玩得愈冧

有調查發現男人愈鍾意一個女人,就愈落力取悅對方,包括喺床上面,更加賣力地表演吹口琴。最近英格蘭除咗喺歐國盃分組賽擊敗威爾斯,喺一個性愛調查結果中,亦係英格蘭人取勝。女士們經常覺得性趣缺缺,點解會咁呢?原來係唔夠瞓所致。

落力吹奏

男人同女人除咗生理構造大有分別之外,心理上都有極大差異,例如女人永遠都唔會明白砌模型有幾好玩,亦分辨唔出高達同渣古,而男士亦唔明白點解女人買完一大堆化妝品之後又再買一大堆,亦分唔出乜霜物霜有咩用。不過,男女都有一個共通點,就係喜歡喺床上面取悅對方。早前喺《生殖免疫期刊》當中發表咗一項研究結果,指出女方愈鍾意男方,喺床上嘅表現愈主動,吹奏一曲之餘,甚至將精華素吞落肚,因為咁樣可以令身體預早接觸到對方嘅DNA。而男士亦一樣,愈鍾意女方,愈想令對方懷孕,鍾意用口為對方服務,原因係希望藉此令女方更為興奮,增加陰道分泌,令環境更適合精子活動於其中,提升懷孕機會。

威爾斯人性福少

英格蘭同威爾斯可以稱為兄弟之邦,兩地互相連接,民情亦有相當多相似之處。另一方面,睇開英超嘅朋友都知道,唔少威爾斯球員去到英超搵食,最出名嘅當然係曼聯名宿傑斯啦!最近喺歐洲國家盃分組賽,英格蘭驚險地以2比1擊敗威爾斯,小弟亦睇到一額汗。早前一個叫做「BeNaughty」嘅網站就進行一次調查,發現英格蘭人喺性福方面都比威爾斯人優勝,原來威爾斯人平均每個月做愛2.1次,而英格蘭人則為2.5次,前者更有三分之一人處於無性狀態。此外,威爾斯女士有58%認為自己嘅性技高超,男士則只有39%,至於英格蘭方面,超過6成男女都認為自己嘅性技高超,兼且可以滿足到對方,睇嚟威爾斯男女喺性福上真係弱啲喎!

夠瞓性慾高

以前年少無知,以為喪食補品就可以增強精力,令雄風長時間保持強勁,就係因為咁食到家陣肥嘟嘟,但精力就冇乜增強過,後來師傅就話男人要壯陽,除咗要吸收足夠營養,睡眠充足亦相當重要,而站在女性角度而言,其實要得到性福一樣要夠瞓。《性學期刊》早前刊登咗一份研究報告,搵來171名成年女士協助,睇吓佢哋喺兩星期入面嘅睡眠狀況如何,同時了解其性慾高低,結果發現睡眠不足嘅一群,性慾都比充足嘅一群為低,可想而知睡眠對性慾有幾重要!另外,雜誌《Appetite》亦指出,處於節食狀態嘅女士亦會比食得飽嘅女士性慾較低,各位女士如果唔想自己性慾低就要留意喇。

撰文:賢