好多男士上咗年紀之後都發覺命根兒唔多聽話，可能係同缺乏維他命D有關。之前同大家講過倫敦有一間餐廳入面嘅客人全裸用餐，而日本亦即將有同類型餐廳開幕。同愛人結伴去旅行固然開心，之不過，好多情侶喺旅途中非常不滿對方嘅床上表現，感到十分失望。
到底係家陣啲餐廳食肆做唔出咩新菜式，定係大家真係好鍾意回歸原始大自然呢？近期世界各地有唔少裸體餐廳出現，好似倫敦及澳洲就有呢類光豬餐廳。至於香港有咁多道德塔利班，相信都唔會有呢類餐廳囉！有興趣嘅朋友可以近近哋飛去日本體驗一下剝光豬開餐嘅滋味！呢間裸體餐廳名叫「The Amrita」，將於7月29日開幕，老闆表示客人全裸用餐嘅目的，係希望大家回歸到阿當夏娃嘅時候一樣擁抱大自然，以最原始嘅感覺用餐。
不過，雖然話係全裸，但係餐廳會提供一條G-String畀客人穿着，另外有紋身及年齡18歲以下或者60歲以上嘅人士唔可以進入店內，仲有體重限制，至於係幾肥同幾重唔准入場，就由餐廳決定喇！
相信大家都知道人體缺乏維他命C，個人嘅抵抗力都會弱啲，患上傷風感冒嘅機會大大增加。而好多男人亦知道食蠔可以增強床上表現，全因蠔含有豐富礦物質鋅。不過，各位男士千祈唔好忘記，仲有一種維他命對性能力都好重要，就係維他命D喇！意大利米蘭大學有一個研究發現，40歲至70歲嘅男士當中約有半數受到勃起功能障礙影響，而參與研究嘅143位勃起有問題嘅男士中，發現佢哋好少曬太陽，而曬太陽可以令人體皮膚製造維他命D，於是科學家跟住呢個結果再研究，就發現嚴重不舉嘅男士，佢哋所吸收嘅維他命D比輕度不舉嘅男士少24%。另外，美國嘅霍普金斯大學亦有研究發現，維他命D對男士勃起有極大影響，因為維他命D喺體內擔任一個重要角色協助產生一氧化氮，而一氧化氮則協助擴張命根兒嘅血管，使更多血液順暢地流向命根兒令其勃起，而缺乏維他命D當然會增加不舉危機啦！至於點吸收維他命D呢？除咗多曬太陽之外，仲可以食魚肝油、蛋黃等。
每次旅行小弟都係掛住食、瞓同玩，好少畀意見，主意交晒畀班兄弟決定，因為我知道愈多人畀意見，爭拗出現嘅機會就會增加。猶幸大家都係麻甩佬，乜都無所謂，幾次旅行都冇爭拗發生。之不過，同伴侶去旅行就唔同喇！大家都知道女人係宇宙間最難估計嘅生物，而一個來自日本嘅調查發現，好多情侶都係因為拍拖去旅行而產生不滿，最不滿就係床上表現。有73%情侶曾經喺結伴旅行時發生不愉快事情，當中有18%表示不滿對方嘅旅遊行程準備不足，有3%不滿費用，2%不滿住宿，而近4成因為對方嘅床上表現差而不滿。其實咁又難怪嘅，行足全日已經攰到死，仲要上床作戰，邊有咁多氣力吖，體諒吓啦！
撰文：賢