日本寫真界巨乳女優輩出，經常爆發「胸」戰，令一班胸奴大飽眼福。之不過，有「胸」戰，亦有「臀」戰，因為擁有美尻嘅女優為數不少，知名嘅有秋山莉奈、倉持由香以及安枝瞳。而今日進行「臀」鬥嘅則有一對姊妹，佢哋就係師姐為近安娜同師妹中野杏呢兩位靚股女優喇！
要拍攝到一部好片，除咗要有好演員、好導演，仲要有好多幕後工作人員，例如燈光組人員。不過，有太陽就唔需要燈光組喇！唔少日本寫真作品都喺陽光普照下拍攝，女優大露「胸」光，以及曬月光，喺日頭又點曬月光呀？我係指八月十五的月光，即係屁股！人氣寫真偶像為近安娜就表演點樣「曬月光」喇！
為近安娜面孔標致，青春活潑得嚟又有一派深情誘惑嘅一面。佢身材屬苗條，上圍肉地唔多，但係35吋玉臀圓潤堅挺，外形猶如一個水蜜桃，上年參加選美活動「Miss FLASH」之後人氣爆升，工作接個不停，寫真DVD《為近綜合症》就係其最新力作喇。安娜為凸顯玉臀美態，特別換上多款T-Back，刻意向鏡頭扭動美股。安娜明白到要大家欣賞到其臀部，一定要有充足光線，故去到陽光普照嘅戶外環境拍攝，讓光線照到其「月光」之上，讓大家用肉眼感受臀部曲線以及光滑表面。
碟名：《為近綜合症》
收錄時間：104分鐘
售價：約HK$298
每個人都為生活而努力，無非都係為咗搵食。當然，為生活而苦苦工作嘅朋友可能覺得生無可戀，不過大家千萬不要自尋短見，今日就介紹為近安娜嘅師妹畀大家欣賞，睇完呢位妹妹仔嘅生猛寫真演出後，保證大家即時感覺到生機勃勃，精神爽利！中野杏個樣生得普普通通，唔算醜但亦唔算特別靚女，之但係面上充滿青春氣息，更重要嘅係天真嘅笑容予人陽光感覺，男人見到佢嘅笑面頓有如沐春風之感。中野杏身材纖巧，帶點肌肉感，健美十足，尤其係臀部兼具結實同非凡彈性，吸引力相當高！中野杏憑住呢副結實體格以及青春笑容，喺「Miss FLASH」選美比賽中奪得亞軍。
作為為近安娜嘅師妹，中野杏同師姐一樣咁鍾意賣弄玉臀，喺呢部寫真DVD《ミスFLASH2016》當中，可以見到中野杏去到海灘跑跑跳跳，仲玩水搞到全身濕晒，活力十足，相當生猛，亦可以睇到中野杏搖曳玉臀，當玉臀沾上細沙，鏡頭就嚟個大特寫，影住杏妹點樣用手輕輕咁掃乾淨個股，我都好想成為其中一粒沙呀！
碟名：《ミスFLASH2016》
收錄時間：121分鐘
售價：約HK$298
撰文：賢