工欲善其事必先利其器，為大型體育盛事做準備就當然要有大量事前工夫要做啦！而今年嘅巴西奧運會各方面都準備得八八九九，連選手們嘅性生活都照顧埋，大會已經預備咗45萬個安全套畀佢哋喇！勃起功能障礙令男士痛不欲生，其實患上呢個問題唔單止係「細佬」有事，健康亦可能出現問題。好多男人都嫌自己唔夠粗壯，有英國男就進行手術令其好兄弟變成「怪物級」！
四年一度嘅奧運會好快就會喺巴西里約熱內盧隆重上演，雖然小弟一向對體育冇乜興趣，不過亦會抽空睇吓各項女子比賽，欣賞一下班女選手嘅身材、美貌同英姿。今年可以話經過唔少風波，一來當地曾有寨卡病毒肆虐，二來又話運動場館出現結構問題兼有勞資糾紛，幸好問題喺開幕之前都受到控制，可謂萬事俱備，只欠運動選手到來一較高下。大會除咗為選手準備好起居飲食之外，招呼仲相當周到，連健康性生活一樣照顧埋，大會已經預備咗45萬個安全套，比起上屆倫敦奧運嘅15萬個多出3倍咁多！嘩！乜班選手真係咁體力驚人，喺訓練同比賽完畢後都仲有咁多精力搞嘢咩？非也！消息指出，選手當然也有性需要，但係由於呢批安全套完全免費，所謂有便宜唔使使頸，啲安全套係畀選手們拎返屋企慢慢用，大家唔好誤會佢哋呀！
老父以前成日都教我，做人要正直，就算係乞食腰骨都要挺直，千祈唔好作奸犯科，唔好話做大奸大惡，連拾遺不報亦萬萬不能做。長大之後，師傅又教我，做男人腰骨當然要挺直，胯下嘅好兄弟更加要喺有需要嘅時候變得硬朗筆直，所以平日最緊要就係保養好自己嘅身體。之不過好多男士，特別係上咗年紀嘅就受到勃起障礙功能問題困擾，好兄弟挺不起來！咁就一定要搵醫生幫手喇！早前美國密西西比大學進行一項研究，發現患有勃起障礙功能問題嘅人，比起正常男士死亡率高百分之七十！原因係勃起不全嘅問題同血管有關，血管受到阻礙自然唔能夠充分流到下體，同時亦反映心血管疾病不輕，為咗自己條命仔以及性福着想，見到好兄弟「唔精神」就要即刻求醫，順便檢查一下心血管系統喇！
好多港男睇歐美四仔都會覺得唔好睇，一來歐美人面孔同我哋唔同，二來班男優下體巨大，而且擁有超人嘅性能力，極速抽送、玩轉多個花式都依然能緊守精關，令人嘆為觀止！相信好多男士睇完都希望自己嘅好兄弟能夠擁有如此龐大體積同體力！英國最近有一位叫里奧嘅貨車司機，為咗令下體變大而動咗兩次手術。據悉呢位仁兄已經係兩兒之父，但係佢嫌下體唔夠睇頭，因此就花咗6,000英鎊做增大下體手術，成功令下體再發育。里奧表示相當滿意，體積大咗好多，粗到一隻手都捉唔晒，更加形容為「怪物級」尺寸，性功能亦正常。而里奧嘅手術過程更被當地電視台拍成醫學紀錄片，照咁睇呢種手術未來會趨向普遍，各位自卑男士有救喇！
撰文：賢