以前日本妹多數係矇豬眼，不過家陣就唔同，好多女仔都眼大大兼充滿電力，而且雙峰亦一樣巨大，好似人氣嫩模大川藍咁索到啪啪聲，難怪港男對日本妹情有獨鍾。
日本藝能界大型組合眾多，有乃木坂46、AKB48、SKE48等，呢類組合由青春無敵美少女組成，而為咗統一啲，製作單位喺招募新人嘅時候都會特別挑選出身材、高度差不多嘅女仔。雖然係咁，組合當中總會有幾個特別標青嘅成員，好似AKB48嘅小嶋陽菜，唔單止樣靚，身材又激凸迷人，真係索到爆晒燈，近年仲做埋內衣品牌代言人大賣姣好身段添！
而今日為大家介紹嘅大川藍來自女子組合「美女甜甜圈」，論質素絕對唔會輸蝕畀陽菜。22歲嘅大川藍面圓圓夠可愛，同時又夠綺麗優雅，樣子絕對係明星級！面上最迷人嘅地方相信係阿妹對大眼睛，黑白分明又亮晶晶，電力十足，男人要小心被佢電暈。大川藍擁有嘅「大」優點除咗眼睛，仲有一對E Cup巨乳，配埋纖巧婀娜嘅胴體，堪稱完美！
大川藍加入藝能界嘅原因，係佢喺小學嘅時候見到早安少女組風頭大盛，一直都好希望好似佢哋咁喺舞台上又唱又跳展現青春魅力，母親都知道其心意，某日見到「SOEI演員學校」招收學生，於是鼓勵大川藍去入讀，而經過一段日子培訓之後，由於表現出色，被藝能事務所賞識，獲編配為組合U-SPEC嘅成員之一，之後再成為大型組合「美女甜甜圈」嘅成員，呢個時候阿妹展現出明星風采，除咗拍攝電視劇《東京DOGS》，仲推出首本個人寫真集《蓼藍》。姣好身段一經露出，火速獲雜誌搵佢做內衣模特兒。大川藍上年從「美女甜甜圈」畢業之後，又成為另一個組合「HIP ATTACK」嘅成員，仲為電視台體育節目《Going! Sports & News》擔任天氣女郎，認真係百足咁多爪，絕對唔愁冇出路！
年齡：22歲
身高：5呎5吋
三圍：33E-23-34
簡介：大川藍幾乎每日都會將工作花絮以及生活點滴，透過Twitter同大家分享，想跟貼大川藍嘅一舉一動，就要每日Click上去睇喇。
網址：https://twitter.com/lespros_ai?lang=ja
撰文：賢