好多男人落酒吧都唔係單純為咗飲酒，而係溝女，到底點樣可以增加成功率呢？最近一個報告，公布日本女仔嘅初體驗年齡。唔少女仔都話男伴花心，有調查顯示出男人唔單止平時朝三暮四，連上床嘅時候亦會諗起其他女仔。
相信大部分男人都鍾意睇日本AV，因為演出嘅AV女優貼近東方女性面孔，身材嬌小卻上圍豐滿。睇咗咁多年日本AV，大家一定會見過唔少AV女優都只不過18歲，青春無敵，胴體又鮮嫩彈手，不過大家會唔會因為咁而以為日本女仔喺性方面好開放、好隨便呢？以前小弟都有咁諗過，但係睇完最新嘅日本女性初體驗年齡調查之後，我就對日本女仔有所改觀。報告將受訪嘅日本女仔分為不同年齡組別，初體驗年齡介乎15歲或以下嘅比率只係得8.2%，至於最多女仔失身嘅年齡界別就係19至22歲，比率為41.3%，其次係16至18歲，比率為34.2%，換言之佢哋失身嘅年齡大部分都係喺成年時段，其實都唔係大家想像中咁開放o架。
以前我仲後生嘅時候，時不時同班兄弟落酒吧劈酒，劈完一打又一打，劈到個個都醉醉醺醺先捨得走，諗起都覺得瘋狂。家陣小弟間唔中亦會落酒吧，不過就唔係落劈酒場而係落清吧，一來年紀大咗唔係咁飲得，二來唔再鍾意太嘈雜嘅環境。落清吧仲有好處，因為環境比較寧靜，同女仔一邊飲酒一邊談心就最適合喇。另一方面，識女仔亦比較容易，相信唔少男士落清吧都係志在於此。最近一份報告指出，女仔落酒吧被搭訕，只會用3分鐘去判斷同對方能否進一步發展，而男士要喺呢3分鐘之內成功溝女需要具備4個條件，首先要靚仔，呢一點唔使多講，鬼唔知阿媽係女人咩！其次係着紅色衫，原因係有研究指出女仔會認為着紅色衫嘅男人社會地位較高；第三係體形健碩，令女仔一眼睇落認為同你一齊會受到保護；第四就係男士們要保持冷靜，面對索女時神態自若，談笑風生，呢一個亦係為女方提供安全感嘅要素。
唔少男士都自稱係一隻無腳嘅雀仔，喺天上面不停咁飛，唔能夠停留喺一個地方，比喻佢哋唔可以喺情場長時間跟同一個女仔發展。事實上，唔少女仔都會發現男伴唔夠專一，不時背住自己溝女，至於會唔會因為咁而分手，則視乎男友同小三嘅關係發展成點。一個來自日本嘅調查顯示，就算女仔留得住男友個人，亦未必可以留得住佢個心，即使大家喺床上纏綿，亦一樣會喺思想上出軌。該調查喺新宿、涉谷同秋葉原搵咗多名成年男士協助，發現有56%受訪男士居然會喺做愛時諗住另一個女仔！有受訪者就話做愛時突然思潮作動自己都控制唔到，另外亦有人表示鬼叫自己靚仔多女埋身，做愛嘅時候會不自覺咁幻想起其他女仔嘅媚態喎！
撰文：賢