可愛嘅貓咪相信大家都好鍾意，就連身為硬漢子嘅小弟唔單止着迷於性感小野貓及身材火辣嘅金絲貓，對住貓咪亦難以抗拒，只可惜小弟嘅米飯班主，即係母親大人早已下禁令唔准我喺屋企飼養任何寵物。雖然係咁，久不久登入以貓為主題嘅臉書群組睇睇人哋養嘅貓都唔錯。不過，未來我可能會少上呢啲群組，因為最近發現原來我最鍾意嘅日本寫真女神G奶美人今野杏南都係一名貓奴，佢成日將同愛貓嘅合照放上網，咁我當然要多多瀏覽啦！大家即使唔係愛貓之人，Click上乳神今野杏南嘅Twitter一樣有嘢睇，因為佢每次進行寫真拍攝之後，都會將自己嘅性感照上載同大家分享，另外仲有活動消息，好似早前佢打完高球又去到大阪一間彈珠機店性感登場，人紅真係忙得交關。