今年一半都未過，日本AV界已經接連上演咗幾壇矚目盛事，包括熟女人妻總選舉、SkyPerfecTV成人放送大獎2016，而喺5月初亦順利舉行咗一個比上述兩者更盛大嘅頒獎禮，就係DMM成人大獎2016喇！到底今次有邊個得獎呢？依家即刻為大家詳細報道！
日本AV界有好多頒獎典禮，向表現出色嘅女優以及優秀作品頒予獎項以示表揚。以往，呢類AV頒獎典禮以歷史最悠久嘅SkyPerfecTV成人放送大獎搞得最大，之不過往事已矣，近一兩屆開始已出現小圈子情況，挑選出嚟嘅入圍女優全部都唔係人氣之列，好似今屆咁，入圍最優秀女優嘅名單當中居然有SkyPerfecTV旗下嘅女主播美泉咲！老實講，如果唔係喺呢度提及，相信十個有八個人都唔知呢個女優係乜水！入圍名單缺乏名氣，得獎者就梗係同樣冇人氣啦！搞到呢個原本被譽為日本AV奧斯卡嘅頒獎禮頓時黯然失色，同一時間AV迷同AV業界嘅焦點就轉移到由北都集團旗下，日本最大型AV銷售網站主辦嘅頒獎禮DMM成人大獎。今年一如以往，獲大會挑選出嚟競逐獎項嘅AV女優幾乎個個都人氣爆燈，喺最優秀女優名單見到Julia、天使萌同葵司，已經夠晒吸引力啦！
今屆DMM成人大獎嘅最優秀女優得主，係喺AV界已經奮戰咗8年嘅潮吹小天后大槻響！老實講，大槻響唔係話唔出色，但係近幾年佢嘅單體作品唔多，多數都係參演團體企劃作品，例如Moodyz嘅《啪啪聲巴士旅行粉絲感謝祭》咁，若論表現搶鏡以及發揮機會，一定唔夠Julia同紗倉真菜佢哋高，得獎可以話跑出個大冷門！不過，大槻響喺AV界可謂貢獻咗唔少血汗，佢得獎嘅時候喊住咁話多謝大家支持，仲表示自己由素人娘做到家陣人人都識，期間受過好多挫折，靠住自己唔認輸嘅決心先有今日。睇住你咁努力，呢個獎你拎去啦。另外，優秀女優獎得主係近期人氣如日方中嘅澀谷辣妹AIKA，佢得獎真係實至名歸！因為AIKA由三仔拍到四仔，再由四仔回歸三仔之後，表現認真脫胎換骨，如狼似虎又不畏艱辛嘅精彩演出，絕對值得各界學習。
另一受人關注嘅大獎就係最優秀新人女優獎喇！相信大家都估到得獎者係邊個，冇錯，佢就係前AKB48成員、上年隆重降臨AV界嘅三上悠亞！雖然悠亞係新人，又咁有名氣，但係佢拍AV一啲都唔錫身，投入嘅演出加上嬌俏面孔及一身星味，不僅令佢得到呢個大獎，其初下海作品《Princess Peach》更加連奪銷售部、影像部、租借部嘅冠軍作品，換言之悠亞今次勁擸4個獎項咁多，最優秀女優大槻響都冇佢咁威水！當晚頒獎典禮當中，總共有19位女優出席，除咗得到大獎嘅3位女優之外，仲有Julia獲得特別獎，表揚佢去年表現生猛；紗倉真菜就得到媒體獎，代表上年喺各大媒體曝光率高；市川雅美得到話題獎，葵司則獲頒特別表現獎，總算冇空手而回。
撰文：賢