純情無比嘅成人遊戲女角色，向嚟都深得遊戲迷嘅喜愛，日本十八禁遊戲商PALLETE QUALIA最新推出嘅作品《OTOME＊DOMAIN》中，將呢種純情魅力全力發放。所謂「OTOME」即係乙女，指未被世俗所污染嘅純情女仔。故事講述男主角嘅祖母離世之後，變得孑然一身，好彩呢個時候被一個有錢，兼且經營貴族女子學園嘅大小姐收養。以為從此過住幸福嘅生活，點知大小姐要求男主角換上女裝並喺女生宿舍居住，成為宿舍管理人兼僕人。原來喺女生宿舍居住嘅女生，個個性格都有啲怪怪哋，好似其中一個女生表示：「反正底褲都冇人睇到，今日一於真空啦！」事情發展到呢個地步，大家可能覺得呢班女生同純情有相當嘅距離，只係當劇情不斷推進，大家就會發現佢哋原來個個都相當純品，兼且有其可愛之處，而最難解決嘅問題，係男主角究竟要同邊個發展感情呢？