多啲發掘日日有驚喜

扮警掃黃

內地嘅騙徒之所以冒警，無非係為咗錢，不過呢位北京嘅田姓男子，佢冒警背後嘅原因卻係相當特別。話說田男喺去年於網上搵人做咗個假警察證件，並買咗一把塑膠手槍，跟住致電畀一個賣淫女，雙方傾好價錢後，就按對方指示去到某個小區公寓6樓嘅單位進行交易。囡囡讓田男入屋後就幫對方除衫，呢個時候田男拎出假證件聲稱警察，並要求囡囡供出其他成員出嚟。此時咁啱公寓管理員上門收租，田男以為係囡囡嘅同伴嚟到，叫對方入屋後就進行質詢。管理員稱自己僅為收租後被放走，之後佢懷疑田男嘅身份，於是便報警。田男見囡囡冇料爆，就諗住拉囡囡去見真警察，卻喺樓下畀人拉咗。佢咁做唔通係精神有問題？原來田男嘅前女友做過色情工作，分手後便決定要將所有囡囡繩之於法，最後便做出冒警嘅行為。

風俗店推月票

搭車有月票，但係大家有冇諗過去日本風俗店，竟然都可以買月票呢？日本有風俗業協會正研究推出「Soapland（泡泡浴）定期券」，所謂「定期券」即係月票咁解。根據當中嘅建議，買咗月票嘅玩家可以喺限定時期內，享受無限次數嘅情趣服務。不過呢個提議一出，即刻引嚟唔少業界人士反對，因為有唔少風俗店負責人擔心，玩家買月票後必定會嚟得多咗，而當佢哋使用月票次數愈多，對店家嘅損失就會愈大，同時風俗孃嘅工作量大增，有機會引發健康問題及離職潮。不過正當爭議聲不斷之際，位於東京吉原嘅一間Soapland風俗店「L-Queen」，卻率先推出「一周間通行放題」嘅變種月票。同建議中嘅玩法有啲唔同，玩家喺從購票當日起一個星期內，只可從40分鐘及60分鐘兩種套餐中揀選其中一樣，而埋單時不但免除各種雜費，全單更可獲得6折嘅優惠。據講呢種做法相當受歡迎，因此風俗店將放題活動嘅推廣時間延長，等多啲玩家受惠添！

兩星期有新貨

早前有唔少台灣玩家聲稱，色情按摩院同養生會館嘅囡囡更換速度相當頻密，每兩個禮拜就有新女到場，而當中絕大部分都係嚟自內地嘅小姐，相當有新鮮感咁話。有人就猜測呢啲囡囡應該係以觀光身份，喺台灣嘅色情場所提供服務。事關根據規定，內地遊客最多只能喺台灣逗留15日。喺最近台灣桃園警方嘅一次行動中，終於真相大白！台北地檢署檢察官指揮移民署桃園市專勤隊及桃園市政府警察局刑警大隊警員，以兵分多路嘅方式瓦解咗以外號「發哥」為首嘅人口販運集團。佢哋運作嘅方法係先由色情應召站業者物色年輕內地女子，跟住以個人遊身份到台灣嘅方式，每15日引進一批內地女性提供色情服務。內地囡囡一落機便即獲安排接客，平均每日接客8至10人。

撰文：魂