應走唔走，唔應留就返轉頭，人生如此，四仔界亦然！咪以為樣正架生齊可以打橫行，呢行講人緣仲要靠關係，今日上位要保住優勢仲要識得做人，否則好大機會落得脫星Peta Jensen嘅下場，混兩年最後黯然退出四仔界囉！
細佬成日都話對脫星認真你就輸了，尤其係歐美脫星嘅退役消息，因為佢哋極大機會，隔一兩年就厚顏無恥當乜事都冇發生就返嚟砌過，事後接受訪問總係得一個「好痕」理由，係痕呀，脫星實會話技癢，連發夢都係床戰，「迫於無奈」要返嚟喎！不過今日呢位姐仔Peta Jensen睇怕翻兜機會好微，唔係阿妹得罪人，亦同樣貌身材無關，相反佢聽教聽話，喺新人期間，經理人安排獨家簽約Brazzers片廠，阿妹即簽，要求佢入行執大對奶到34DDD佢即搞，最後咪衰太聽話，工作量不多成為棄將，投閒置散到自動投降囉！
呢份稿出街時，Peta妹已經離開脫星界，甚至可能已轉行，不過佢強調唔做幕前床上脫星，但如果夜場搵佢開工，或伴遊網有需要，佢都會全力奉陪喎！而呢個可能性睇怕唔會出現，因為既然Peta已退出，證明人氣有跌無升，冇叫座力邊個搵你呢？有人問，明明上個月黑人網站Blacked.com先賣晒關子話Peta妹「First IR Coming Soon」，同步阿妹喺Twitter擠牙膏式喪發Po叫四仔迷支持，點知四仔一出街，轉個頭就話走，令人懷疑阿妹得罪有勢力人士。其實邊有咁多人得罪吖，據Peta接受成人網站Captain Jack主持專訪解釋，「開工不足」係唯一死因，由佢2014年入行即被安排獨家簽一年Brazzers廠後，第二年即被Xbiz提名最佳新人獎以及AVN六項提名，可惜統統落敗收場，仲連合約都冇埋，跟住阿妹就回復「自由身」喇！
2015年係Peta Jensen最黑暗嘅一年，雖則阿妹喺Brazzers拍過好多幕四仔，之但係從iafd網站所見，阿妹整年喺其他片廠只參演過3部Digital Playground及1部Wicked Pictures四仔作品，單靠Brazzers，粥水都無得食啦！到2016年冇約喺身，阿妹就喺Blacked.com演出過唯一一鑊，亦即係黑人大戰前後門，到今日退出再冇新作品。
當日被捧上天，新人獎又提名過，加上阿妹自覺乖巧，咁嘅待遇失望就肯定啦，而佢最嬲嬲豬原來係當日被經理人老點僭建DDD Cup，搞到佢心理不平衡，Peta話未僭建前已有34D波，但對方話誇啲會爆啲，即使唔願意都肯試，最後效果假到冇朋友，似90年代假波脫星，更嚴重影響阿妹日常生活，出街好似怪獸咁遭受歧視，阿妹自爆有抑鬱，但為咗開飯都要死撐，直到上個月失驚無神深夜時間喺Twitter親自宣布退出，粉絲故然傷心，但Peta話係一個解脫，因為佢覺得生活好悲慘，就算做個文員仔都唔會咁苦喎。阿妹仲強調退出後首要任務係「拆彈」！浪費咗兩年，但90後嘅Peta妹依然青春，希望佢快啲做番自己，唔會被脫星累一世啦！
網址：www.iafd.com/person.rme/perfid=petajensen/gender=f/peta-jensen.htm
撰文：祖