人窮就要諗計同度橋，咁先至有辦法搵到錢，不過有人絞盡腦汁卻係為咗啖氣，結果惹禍上身。好似內地就有個速遞員因為私怨，竟然將客戶電話惡搞成嫖妓電話。有時有橋又唔代表掂，台灣有人諗住借內地做基地搞色情服務，結果難逃法網。講到最開心，莫過於最近有人氣巨乳AV女優到風俗店開工！
近年唔少玩家透過網絡或手機聊天群組搵囡囡，如果經常收到陌生人打電話嚟搵女，都咪話唔煩。話說上個月，廣東省揭東公安分區網絡警察大隊，接到多名女士報警求助，佢哋稱有一個QQ號碼喺網絡交友論壇同QQ群組中，利用佢哋嘅手機號碼發放大量嘅招嫖訊息，因而令到佢哋嘅工作同家庭生活受到極大困擾，而呢個情況已出現咗半年。接報後網警大隊聯合城西派出所展開調查，經過網上同實地搜證後，將發布訊息嘅35歲吳姓男子逮捕。原來任職速遞員嘅佢，由於喺上年2月至9月期間，多次被客戶投訴而懷恨在心，於是利用客戶嘅手機號碼，喺網上發布招嫖訊息嚟報復，吳男現已被警方行政拘留。呢種做法固然唔要得，不過從另一個角度嚟睇，網絡上嘅個人資料同樣要小心處理至得。
去年台灣哄動一時，以「史上最強妹」為號召嘅應召站，當時被台灣移民署破獲時，當中嘅核心人物外號「紀姐」同「老爹」等人被緝捕歸案，而移民署同時發現，呢個集團嘅搵客電腦系統原來設置喺廣東省內。據知呢個集團以廣東省作為網絡嘅基地，目的就係以彼岸作為掩飾，有咩事發生都可以走得甩。不過台灣有關當局唔會放過漏網之魚，經佢哋提供有關資料畀廣東省公安部協助調查後，喺深圳逮捕兩名台籍共犯，並且將二人送返台灣受審。被捕嘅36歲王男同28歲嘅黃男曾擔心要喺內地服刑，後嚟得悉可以返回台灣後竟然鬆一口氣。呢個規模龐大嘅網絡色情集團，不但分工細密，而且相當有計，佢哋結合全台灣各地嘅雞頭，提供各類型嘅囡囡，價錢從3,000新台幣起，結合「地表最強妹報到」等噱頭，透過手機聊天App拉客，從而成為極大嘅色情服務網。
日本AV女優到風俗店客串嘅新聞時有所聞，不過佢哋都係一啲過氣女優，或者係已經退役嘅女優。然而，最近有位女優到風俗店客串，卻引嚟極大回響，皆因佢就係喺上年底出道嘅人氣女優美涼里菜！
呢位喺1994年7月10日出生嘅女優，憑住一對35F豪乳而成為Maxing同Million共同持有嘅專屬女優，如此聲勢令佢甫出道立刻引嚟大家注目，配合埋佢迷人嘅五官同稚氣未退嘅樣子，名副其實係童顏巨乳，難怪佢宣布喺東京青山著名風俗店「CLUB 虎之穴 青山店」客串，令一眾AV迷相當興奮。不過有消息指，呢個只係里菜嘅宣傳手法。咁又係嘅，作為一位人氣AV女優，前途無可限量，又點會咁快到風俗店工作呢？
撰文：魂