貪心係人嘅天性，而花心係男人嘅本性，咁唔知男士們最想擁有幾多個床上對手呢？女人為咗取悅男人可以做好多事情，有調查發現為咗討男方歡心，女仔會練習自娛。部分男士喜愛暢遊後花園，咁到底有幾多人試過呢科呢？
所謂人不風流枉少年，好多男士年輕嘅時候都希望左擁右抱，伴侶愈多愈好，結婚之後依然抱住呢個思想，不過呢啲諗法絕對唔可取，結咗婚之後好應該對老婆從一而終！是以，小弟我決定終身不娶，以免影響性福嘛！話時話，大家最想擁有幾多個床伴呢？早前有網站就進行過一項相關調查，訪問咗1,000位成年男女，結果發現有28%男士以及24%女士認為理想床伴數目係4至8個，另外有37%男士以及38%女士表示8至12個，不過最多數人認為10個床伴最理想。其實想有10個床伴嘅人都唔算貪心，因為居然有3%女士及4%男士話理想床伴應該係20個，佢哋若然唔係太多時間就應該係太多精力喇。
以前啲前輩都叫我哋年輕小伙子千祈唔好自娛，因為一滴精華液等於十滴血，更有傳男人一生只有１公升白汁，亂咁用到老就冇晒（口架）喇！其實以上說法統統都唔科學，好多實驗已經表示冇咁嘅事，而且適當又適量地自娛除咗可以減壓之外，仲有助大家了解自己嘅生理構造。至於女仔方面又點呢？梗係有好處啦！根據日本一個化妝品牌調查，了解到當地女仔自娛嘅比率相當高，有93.7%咁多，而佢哋都同意自娛令佢哋身體更加健康，例如可以紓緩失眠、促進血液循環等，更重要嘅係增強敏感度。有咩好處？原來係為咗取悅男人！42%受訪女士話敏感度增加，就可以嘗試同男方喺床戰嘅時候嚟個同步高潮，令對方更加滿足，日本女仔咁識得為男人着想，不枉小弟咁鍾意你哋！
男人真係好奇怪，點解咁講呢？佢哋成日都希望女伴可以為自己吹奏一曲，之但係女方要求男方掉轉角色吹口琴，佢哋即耍手擰頭。又例如男人好重視自己嘅後門重地，畀人望兩眼立即會產生保護意識，但卻又好鍾意畀女仔玩毒龍鑽刺激小菊花。講起暢遊後花園，多唔多人好呢味玩意呢？美國L字頭情趣用品品牌就有一個相關調查，結果顯示受訪嘅男士當中有51%曾經以情趣玩具進攻後花園，另外有三分之一男士表示喜歡暢遊後花園，原來有咁多男士喜歡追尋另類刺激，唔怪得睇歐洲嘅四仔有咁多後花園系列啦。
撰文：賢