電子遊戲隨住智能手機普及而愈來愈多人接觸，甚至去到沉迷程度，當中唔單只係後生仔，好多大媽同女仔都熱愛打機，大家去視頻網站亦會發現唔少機壇高手都係一介女流。而喺日本寫真界唔少女優都鍾意打機，鈴木咲就係其中一位喇。
日本女性一向保養有道，好多女星年過四、五十歲依然皮光肉滑，寫真女優同樣保持「凍齡」狀態，明明睇住佢出道，經過多年歲月洗禮，依然保持肌膚鮮嫩白滑，甚至比以前更加美艷迷人，杉原杏璃呢位超人氣寫真女王就係好例子，當然仲有今日介紹畀大家認識嘅鈴木咲。
28歲嘅鈴木咲唔經唔覺已經出道12年，但係阿妹個樣同初出道嘅時候一樣咁甜美可人，笑起上嚟散發出純真氣息。當然，鈴木咲保養得好嘅仲有一身白滑雪肌以及婀娜體態，雖然係就係欠少少豐滿肉感，但係胴體曲線美十足，肉質鮮嫩程度多年嚟都不變，對於一個接近30歲嘅女仔嚟講實在難得。喺寫真界活躍咗咁多年，鈴木咲嘅演技亦有番咁上下，表情一轉即刻由天真女孩變成反叛野性，非常厲害。
鈴木咲16歲就踏足社會工作，當然係做模特兒啦，當時阿妹嘅藝名分別係Saki及細川千尋。除咗為雜誌拍寫真照之外，鈴木咲喺2009年闖進車壇做賽車女郎，作為SUPER GT比賽代言女子組合「angelic」嘅佢更獲得各界注目。唔單只咁，鈴木咲仲殺入東京遊戲做Show Girl，以多個誘人Cosplay扮相登場，家陣佢除咗愛上Cosplay，經常喺攝影會扮演各類動漫角色，仲愛上咗打機添！
事實上鈴木咲同電子遊戲關係好密切，喺2011年參加「第2屆Fami通遊戲高手天使比賽」就獲得冠軍，現時更係手機遊戲《三國大戰Smash!》嘅代言人，鈴木咲除咗幫遊戲拍廣告之外，仲因應遊戲商嘅要求同其他水着妹嚟個水着鬥一番，換上泳裝鬥扭呼拉圈，甚至互相胸撞胸，而阿妹本身亦相當鍾意打機，成日喺微博公開自己遊戲進度添！
簡介：鈴木咲經常喺微博公開打機進度，此外佢仲鍾意打War Game，鍾意打機同打野戰嘅巴打不妨同阿妹交流一下。
網址：https://twitter.com/suzukisakiika?lang=ja
年齡：28歲
身高：5呎4吋
三圍：31-23-33
撰文：賢