做人一定要識得變通，千祈唔好一本通書睇到老。如果自覺事業發展不順，可以睇勵志書籍，若果希望可以喺溝女路上暢通，咁就要睇今日為大家介紹嘅寫真集同工具書喇！前者由一位斯文女主播演出，變身寫真女郎瞓身一脫之後盡現性感誘人魅力；後者由銀座媽媽生教大家取悅女性嘅床上技巧，不過唔好得個睇字，想成為萬人迷就梗係要坐言起行啦！
日本好多女主播都擁有美艷面孔以及高雅氣質，好似當年嘅大石惠同小宮悅子就不知迷倒幾多麻甩佬！最近有一位G奶女主播推出寫真集，佢就係塩地美澄喇！美澄喺2006年入行做女主播，其甜美清秀嘅樣貌受好多觀眾關注，而麻甩佬就梗係留意美澄嘅身材，原因係阿妹上圍有G Cup咁勁，即使着得密密實實，激凸嘅上圍一樣咁突出！2014年美澄因為要照顧病危嘅父親而放棄主播工作，不過唔做主播美澄仲有好多搵錢方法，就係憑住驕人身材向寫真界發展喇！《MISUMI》係美澄第一本個人寫真集，更專程去到關島取景添！當中美澄會盡情大晒一對豐滿G奶，朝早展現親切和善以及活力十足嘅一面，夜晚就嗒番兩杯，以微醉嘅神情散發成熟妖艷嘅一面，正呀！
書名：《MISUMI》
售價：約HK$223
愛情，係一個戰場，當你有機會參與其中，一定要全力以赴將對手擊倒，否則到最後受傷嘅只係你自己！如果談情係要令對方受傷，甚或要有受傷嘅心理準備，咁拍拖又為乜呢？現實愛情就係充滿呢種爾虞我詐，所以坊間先有咁多所謂愛情攻略！情慾小說《Take （Need #2）》奉勸有穩定感情嘅女士唔好睇，留番畀班剛失戀或仇恨愛情嘅就最適合不過，因為佢哋會好有共鳴！故事女主角Kira深愛Brayden，可惜無論女方再努力，花盡心思都無法得到對方嘅愛，反而被男方不斷玩弄，成為洩慾工具，一次又一次用完即棄，無奈Kira自覺即使係一場遊戲，總好過連參與資格都冇，拖拉多年關係都冇法改變！十年過去，Kira依然對男方不離不棄，但係內心由愛生恨，開始明白到要完全離開呢個男人，唯一方法就係破壞，將佢當仇人般痛恨，繼而諗盡方法報復，正當Kira進行復仇大計時，Brayden才發現好需要女方，究竟Kira會唔會心軟畀機會呢個男人呢？
書名：Take（Need #2）
售價：約HK$31（電子版）
呢本由日本著名媽媽生田邊麻里子著作嘅《銀座媽媽桑性愛學：77個求愛絕招》，為大家介紹各種從實戰中提取出嚟嘅各種床上技巧。曾喺夜店任職公關嘅田邊麻里子30歲時自立門戶，喺銀座開設一家酒廊，成為銀座傳奇媽媽生。自1999年起，佢開始為日本體育報紙撰寫《銀座大學》等性愛相關專欄，並開辦性學講座，出版相關書籍，從此成為日本「實務派」嘅性愛教主。書中一開始就叫大家忘記各種喺動漫、電視劇、電影，甚至AV中所學到嘅溝女技巧，然後透過5個章節，從求愛準備事項、引誘她的方法、如何讓她輕解羅衫、如何讓她達到高潮，再到如何讓她離不開你，換言之從最開始嘅點樣求愛，一直到最後嘅點樣維持關係，都講得一清二楚。最值得男士學習嘅，就係點樣好好包裝自己，等自己由「C級滯銷男」變身為「A級極品男」，成為女士眼中仰慕不已嘅魅力男士。
書名：《銀座媽媽桑性愛學：77個求愛絕招》
作者：田邊麻里子
譯者：陳岳夫
售價：約HK$88
撰文：賢、祖、魂