名人講乜嘢都受人尊重，呢啲咪係輩分同地位囉！脫星界都有唔少名人，但肯提攜後輩嘅着實唔多，英國脫星Tanya Tate就係少數之一。呢幾年阿姐喺英美極受巴打歡迎，反而四仔甚少拍，最近做埋才女寫專欄，力撐同鄉脫星上位，真係唔話得呀！
一講Tanya Tate，四仔迷可能會諗起Cosplay或玩具，無錯，因為Tanya係超級英雄粉絲，不但喪買玩具收藏，舊年更以個人造型推出「英雄」玩具。咁都未夠，只要有關玩具展覽，無論大小Tanya姐都瞓身出席。呢份熱誠網友早就睇到，難怪阿姐嘅粉絲已唔再獨沽一味，連玩具迷都好Like佢。亦因為咁，Tanya除咗有個人色情網站TanyaTate.com外，仲有一個Justalottatanya.com，呢個網冇任何色情內容，純粹用嚟同全球粉絲分享玩具潮流，瀏覽量仲高過鹹網，睇怕連Tanya本人都始料不及呀！
今日嘅Tanya基本上做乜都有人Like，但大家咪忘記佢喺2011年先正式出道，至今用咗5年時間就「精」服歐美四仔迷。回顧呢段日子，Tanya講乜做乜外界都一致好評，好似佢話想過導演癮，跟住就喺Filly Films拍女同四仔，一開拍就變成長壽系列，勁！其後更被Fleshlight睇中，合作推出倒模J杯，打破一直以嚟美國妹限定嘅潛規則，堅！
咁多人撐，Tanya姐都唔使再拍四仔，大可全力瞓身玩具事業。不過佢都不忘提攜後輩，早喺上個月，Tanya受HotMovies.com之邀開設網上專欄，第一期「Tanya Tate's Top 5 British Performers」就暢談英國姊妹，文中爆盡阿姐心目中最欣賞嘅5位英國脫星，得到Tanya姐欽點，呢班脫星實有運行呀！
睇番過去5年，有喺美國搵食嘅英國妹，閒閒哋都超過50位，偏偏佢只睇得上Angel Long、Paige Turnah、Jasmine Jae、Rebecca More及Sophie Dee呢5位，點解？據阿姐解釋係因為件件都屬才女，例如Jasmine Jae係大學畢業，不過鍾意人對佢產生性幻想，所以先決定做脫星。另一位Paige Turnah就更自我，入行4年，體重有增無減，奇在人氣愈肥愈勁。被喻為最流行英國脫星之一嘅Angel Long仲食腦，四仔唔多拍，但識得喺成人頻道SXTV Live做主持，間接幫社交網谷人氣，係技術型脫星。
最架勢係Sophie Dee，佢絕對係機會主義者，食住人氣走去拍大電影，雖然口碑麻麻，但無損阿妹上位決心，繼續喺脫星界橫衝直撞，近年泊到Vicky Vette呢個大碼頭，巡迴歐美做騷，好過拍四仔啦。Tanya姐咁欣賞才女唔係亂嚟，如果係粉絲應該知道佢擅於投資，分別喺英國及美國喪買磚頭保值，早前阿妹更喺twitter自爆，全家移居多倫多，咁識搵錢，當然物以類聚啦！
1.英國妹Angel Long咁索，連Tanya姐睇見都起痰，難怪「公器私用」要拉佢合作拍四仔《Tanya Tate & Dom Angel Long In The Red Dungeon》。
2.擁有商業及市場學士學位嘅Jasmine Jae放棄高薪厚職，瞓身脫星界，佢話鍾意令人性興奮喎！
3.Rebecca Moore以33歲高齡闖四仔界，但四仔迷唔覺佢老，反而讚佢Hot！
4.Sophie Dee上圍36DD下圍38吋，齊晒架生，但呢啲都唔係Tanya欣賞嘅地方，阿姐話鍾意佢床上夠傻喎！
5.Paige Turnah愈砌愈大份，但人氣同身形成正比上升！
撰文：祖