點解唔畀我早啲遇到麻生亞實呢位快樂巨乳女孩呢？阿妹不論工作定學習都專注投入，家陣佢已經成功憑巨乳喺寫真界佔一席位，但係仍然好學不倦，最近佢就學習玩球類活動。
日本寫真界有好多年輕貌美嘅童顏巨乳妹，然而青春大波但冇童顏嘅亦有，未必係佢哋將年齡報細數，可能係天生個樣比較成熟有女人味，好似松金洋子、根本春美、小池榮子等經典巨乳寫真女神咁，出道時都唔係賣可愛，而係以豐滿上圍將男人嘅心完全俘虜，而今日介紹畀大家認識嘅呢位麻生亞實就係同佢哋一類喇。
麻生亞實今年23歲，面上泛起一股成熟韻味，演出時散發嘅妖媚魅力，絕不比年過三十嘅頂級寫真天后杉原杏璃遜色。將亞實同杏璃比較身材，阿妹一啲都唔會輸蝕，胸前嘅純天然H奶又大又富彈性，腰肢雖然冇杏璃嘅22吋腰咁幼，但係亞實嘅23吋小蠻腰同樣令女人羨慕，令男人因為呢種激凸纖巧融為一體嘅極上視覺滋味而色心盡露。
出道5年嘅亞實，除咗以一副激凸身材，令人氣與日俱增之外，仲憑一張清新又甜美嘅笑面而吸引大家注意。日本電視界對亞實呢種大波妹一向都情有獨鍾，故阿妹出道以來參與電視綜藝節目玩遊戲嘅次數相當多，雖然經常畀主持人玩，然而為阿妹換取到唔少演出電視劇嘅機會，好似小弟最鍾意嘅日劇之一《特命系長 只野仁 The Final》，阿妹就有份演出其中一集喇。
亞實成功入屋，但係佢冇忘記自己嘅正式身份係寫真女郎，近年保持一定寫真作品產量，風格仲愈來愈激。另外，亞實表示今年嘅願望係兩個字——學習，佢希望學漢字，仲有就係學玩波喎！事緣近年日本寫真DVD都好興叫女優表演打籃球、羽毛球等運動，亞實就因為唔識打波而成日NG，阻住大家收工令阿妹於心不忍，所以咪要學習玩波囉。
簡介：麻生亞實成日同班姊妹去吃喝玩樂、享受人生，想知道阿妹最近又去到邊飲飲食食，可以Click去佢個博客睇睇。
網址：http://ameblo.jp/start-06/
年齡：23歲
身高：5呎2吋
三圍：37H-23-34
撰文：賢