自從好多年前去過日本旅行之後，小弟就愛上當地出產嘅牛奶，之後再愛上埋日本寫真界嘅乳牛級女優，好似松金洋子、根本春美等，佢哋青春又好波，真係令人着迷，睇極都唔厭。今時今日同佢哋一樣咁高質嘅，就有以下呢兩位後起之秀喇！
漫畫有好多角色為咗凸顯出美感同個性，特別設計出誇張嘅造型，而女角色嘅目標觀眾係男性，為咗討佢哋嘅歡心，更設計得靚女又好波，身材好到超乎現實！隨住時代改進，現實當中愈來愈多身材激凸嘅女生出現，AV界代表有Julia，而寫真界就有杉原杏璃，仲有今日介紹嘅青山光。
22歲嘅青山光係近年冒起得最快嘅寫真女郎，原因係佢青春可愛，擁有一對精靈明亮嘅貓眼，而光妹亦會喺寫真作品當中扮貓女。另一方面，佢身材纖巧，但係胸前有一對不成比例嘅純天然I Cup巨奶，令人感覺有點超現實！大家想欣賞光妹嘅身材，就梗係睇佢最新嘅寫真DVD《我一直做……》，當中佢換上多款性感內衣同泳衣示人，一係超低胸，一係就超細碼，僅遮住兩點，I奶豐滿嘅胸肉幾乎露晒出嚟，而最引人入「性」嘅係光妹嘅動作一樣咁誘人，係咁搖晃巨乳，睇到人個心離一離呀！
碟名：《我一直做……》
收錄時間：106分鐘
售價：約HK$284
正所謂外表斯文，內裏Open，好多女仔發揮魅力嘅時候，完全唔需要作性感打扮，行為舉止上姣味突出一樣可以令麻甩佬暈得一陣陣。然而，囡囡動作誘人，但係打扮密實一樣可以帶出視覺誘惑，唔信？大家睇吓松本菜奈實就會感受到喇。21歲嘅菜奈實係上年奇「峰」突出嘅寫真女郎之一，皆因上圍接近40吋，並且達到I Cup咁勁，每邊胸都好似阿妹個頭咁大！而菜奈實樣子生得嬌俏可愛，睇落有少少似由寫真女郎轉型為SDN48嘅手束真知子。
《初戀》係菜奈實出道以來第二部寫真DVD，當中阿妹一邊面露甜美可愛笑容，一邊大露乳溝，將初戀嘅甜蜜感覺以及火辣身材盡情發放。此外，阿妹亦有唔少場面着得相當密實，但係紙包唔住火，一副激凸身材根本冇辦法包得住，穿上緊身嘅服飾展現出I奶嘅誘人形態，所以密實都可以好誘惑呀！
碟名：《初戀》
收錄時間：90分鐘
售價：約HK$284
撰文：賢