體位千變萬化，喺咁多種床上招式當中大家最鍾意邊一招呢？情趣玩具為唔少單身人士大大增加自娛樂趣，原來佢仲有其他用途。家陣睇電視要高清，之不過知名鹹片網站就發現唔少人反而鍾意睇低清，點解呢？
好多老夫老妻嘅閨房生活枯燥乏味，冇計啦！結婚多年床上對手都係同一個人，唔多唔少都會覺得悶嘅。為咗增加床上樂趣，唔少夫妻都會研究一下新招式，為雙方帶來新鮮感同刺激。正所謂簡單是美，要喺床上玩得開心，其實簡簡單單嘅常用招式就能夠達到目的，新鮮感方面就可以用角色扮演方法嚟改善一下。知名外國成人資訊網站「Askmen.com」早前進行一項調查，睇吓大家最鍾意嘅床上體位到底係唔係刺激嘅高難度招式，結果發現榮登三甲嘅都係簡單常見招數，第三位嘅係傳教士式，即係男上女下位，《Sex in South Beach》作者Sonjia博士話呢個體位好處在於男女雙方都可以發力為對方提供快感。第二位係推車仔，博士話呢個體位可以增加進入深度，亦反映出女方完全信任男方。第一位就係騎乘位，原因係女方可以完全控制交合密度同深度，至於男方就可以慳番好多體力，成為男女最愛體位。
情趣玩具包羅萬有，單係震棒就有大有細、有長有短，有防水嘅，仲有乾濕電之分，震動頻率亦多達十幾種。喺我哋偉大嘅祖國，雖然話民風一向都比外國保守，之但係情趣玩具嘅使用率好可能比香港更高，小弟曾經訪問過唔少情趣用品店老闆，佢哋都話生意受惠於個人遊旅客就可以見一斑。另外，早幾年喺內地發生「肉靈芝」事件，一位村民無意中搵到一件「寶物」，質地柔軟帶韌性，翻查典籍推斷此物好可能係食咗可以延年益壽嘅靈芝，此事被內地傳媒廣泛報道，之不過好快就被人發現此物原來係尋常不過嘅矽膠製男性用自娛器，唔使大驚小怪。此外，吹氣娃娃亦在內地隨處可見，早前有人發現成都一個農地出現一個身材激凸嘅稻草人，行近一睇，至發現原來係吹氣娃娃！睇嚟呢位農夫認真識得廢物利用，為環保出一分力。
唔知大家仲記唔記得多年前家用遊戲嘅畫面係點呢？冇錯！好似經典遊戲《太空侵略者》咁，畫面嘅顏色只有幾種，圖像仲起晒格，稱之為畫面像素化。家陣嘅遊戲已經可以做到圖像光滑有質感同立體感，遊戲性有冇進步就另作別論。提到遊戲性，好多玩家追求熱切，《Minecraft》就以遊戲性高而熱賣，之不過佢嘅畫面完全係像素化，可見玩家覺得好玩，就算畫面差啲都無所謂。《Minecraft》受歡迎除咗牽起像素化熱潮，仲喺鹹網界帶嚟一種奇怪現象。早前鹹片網站「Pornhub」以各類搜尋統計數字嚟睇，用「Minecraft」作搜尋字眼嘅比率比上年多出326個百分點！網站負責人相信好多用家同時都係《Minecraft》嘅玩家，上鹹網企圖搜尋像素化鹹濕畫面，希望從中取經，然後喺遊戲當中建設出意形色情嘅建築物喎。
撰文：賢