話「古老當時興」都畀面咗佢，正確嚟講應該係「鬼叫你死蠢畀我呃！」早前美國成人新聞網報道，有間位於洛杉磯嘅日本成人娛樂公司Pink Eiga，宣布正式成立網站pinkeiga.tv，為歐美客戶提供一站式日本色情電影娛樂，當中包括浪漫、驚慄、恐怖、怪異及性虐等題材情節鹹片，無奈最多都係露點，想睇埋身肉搏就冇你份喇！
咁都算，以為係日本公司想喺美國大展拳腳，會製作日式色情電影，搵日本女優同黑白男優砌，又或者扮下癡漢列車，團地妻或答問無用鹹片，點知上到網站就知領嘢，所有片種都係十幾廿年前嘅，甚至三四十年前日本電影，可謂到達博物館級數，就連千禧年紅極一時女優綾乃梓，今日喺pinkeiga.tv竟然係重點推介女優，嘩！呢位經典女優2006年已經引退，眨吓眼10年，四仔迷都可能忘記咗佢，竟然以每套3.99美元（約32港元）起發售，果然有良心喎！老實講，呢壇嘢呃「外國淫客」就唔使多講，但你將亞洲色情文化印象搞到咁不知所謂嗰吓先係大罪嘛！
網址：pinkeiga.tv
撰文：祖