最近內地出現陪打機服務，講到尾咪又係陪遊、陪食、陪瞓嘅變奏版，都係提供色情服務。其實想玩得開開心心，最緊要都係大家和和氣氣，若然拎番個日本風俗店贈送嘅福袋就更加好。
早排內地煞有介事咁爆出一種名為「遊戲陪玩」嘅服務，所謂遊戲陪玩，原意係搵個技術高超嘅打機女生，邊教邊陪玩家打機。據聞呢種行業嘅興起，係同內地嘅打機網絡直播平台有關。玩家可以睇住個女仔打機之餘，仲可以同佢以文字及語音交流。本嚟呢種做法只不過係機迷之間嘅互動而已，只係有心者又點會齋陪打機咁簡單呢？呢啲女生以性感形象示人，直言自己身材豐滿又高挑，開價陪打機加另類服務收費為2,500人民幣。如果有留意開內地色情服務嘅話，早就聽過一大堆以「陪」字為名嘅色情服務，好似陪食、陪飲、陪唱歌、陪旅遊等，而呢種陪打機亦只不過係當中嘅變奏版而已。
雖然話「清官難審家庭事」，但換着係呢單發生喺台灣新北市嘅家庭糾紛事件，官員卻可以插手處理，點解呢？話說早前台灣有名李姓男士寫信畀新北市嘅副市長，指佢老婆寧可喺當地板橋一間KTV剝衫陪酒，都唔願意留喺屋企湊仔，皆因剝衫搵錢比湊仔輕鬆。收到舉報後，警員便喬裝成玩家去到KTV調查，果真發現場內真係有囡囡剝光豬跳舞。偷拍取證後，喺外面埋伏嘅警員即刻入去拉人，即場逮捕KTV經理同埋陪酒小姐。據有關當局稱，呢間KTV喺2014年時已經被查封，但冇耐又再度營業，而店內嘅陪酒小姐平均年齡30歲，分別嚟自台灣、內地及越南嘅人妻，有囡囡表示月入至少有3萬台幣（約7,500港元），收入和味。至於報案嗰位男士嘅老婆呢？事實上場內冇小姐認係佢老婆，咁佢老婆係咪喺度做陪酒小姐呢？真係一個謎。
經常去日本旅行嘅人都知道，每年年底各大百貨商店都會推出各式各樣嘅福袋，原來風俗店亦有推出福袋！同商店嘅福袋差唔多，裏面會有優惠券，當然唔少得情趣用品啦！以往呢啲福袋都係僅限於風俗店推出，提供出張風俗服務，亦即係應召服務嘅風俗店則甚少有。不過今年卻多有唔少出張風俗店推出新年福袋，就以一間喺新宿名叫「0」嘅服務店為例，只要玩家享用120分鐘（包括基本服務加3種選項服務）嘅出張服務，就可以獲得一個特別福袋，袋內除咗有優惠券外，仲有名牌女裝情趣內褲、潤滑油、震蛋、按摩棒等總值超過2萬日圓物品，真係幾吸引喎！
撰文：魂