近年過澳門，面對夜場人，多數的反應都是憂心忡忡，對於現下的工作狀況，也對於未來，一來囡囡是少了，而且質素更比不上那些年，二來大客也實在少了，「又唔可以冇晒嘅，不過上面閂水喉，大家都玩得低調咗，客量一定跌咗o架啦，惟有做好啲，希望綁得啲客緊少少啦！」一位夜行中人以充滿正能量的說話回應，然而我私下卻聽不少人大吹冷風，大有前路茫茫之憂。「可惜依家香港經濟都係麻麻哋，澳門今時今日嘅消費對唔少玩家嚟講，都絕對唔會平！」
除了面對整個行業的轉型，據行內人告知，近年那些靠電話App拉客的流動囡囡，也搶了夜店不少人客，「以前啲女就會喺賭場附近、酒店一帶流連，撩吓客、拉吓客咁，依家仲方便，只要你喺手機上面安裝咗嗰類通訊App、交友App，隨手搖一搖，鄰近幾多米範圍內有咩女都會顯示出來，呢啲女如果有心搵食，就會Post張靚靚嘅相，然後再同你傾兩嘴，講啱價錢、地點就見面交易，你嘅酒店或者佢嘅酒店都OK。」行內人說，這些電話囡囡質素良莠不齊，雖然有人食過好嘢，但因為無得跟，所以絕不建議新手嘗試。
撰文：黃韋龍