日本後宮動漫作品《出包王女》自推出以嚟備受歡迎，於是順勢推出續集作品《出包王女DARKNESS》，並且加入新角色令故事更加豐富，而喺新加入嘅女角色中，人氣極高嘅就要數呢位黑咲芽亞，佢最大嘅賣點係擁有變身能力。嚟自殺手世界嘅佢，平時以斯文形象示人，當執行任務時，則會化身成性感兼冷艷嘅美少女，而今次最新推出嘅模型，就係以佢變身後嘅造型登場。話明係性感殺手，佢身上套戰衣露出度相當高，加埋超短熱褲，展露出一對修長又白雪雪嘅美腿，睇到人流晒口水。不過講到最養眼嘅地方，就梗係露出南半球啦。雖然佢對車頭燈分量唔算大，但係嬌小可愛嘅雙峰十分吸引，配合埋佢帶點驚訝嘅表情，好似唔小心畀人睇到佢走光咁款，絕對係個觀賞度極高嘅模型。