喺呢個搶錢嘅世界，真係無奇不有！好似最近內地就出現假淫竇真屈錢嘅情況，擺明係撳住嚟搶。至於台灣嘅夜遊界就有另一個情況，就係外國女郎相當搶手，大受玩家歡迎；相反，日本風俗業並非金絲貓嘅天下，而係巨乳OL最得玩家歡心。
內地嚴打色情事業，玩家北上尋歡要偷偷摸摸，而一啲非法組織就係睇穿玩家即使被屈錢都唔敢報案嘅心理，於是大膽四出搵食。好似早前喺北京就破獲咗一個透過手機聊天App搵食嘅呃錢組織，佢哋先透過App色誘玩家到K場，然後安排媽咪同小姐招呼玩家。當玩家開心完後，佢哋就會安排打手入房向玩家屈錢，收取高額嘅嫖妓費、K房費、酒水費、介紹費等，由過千元人民幣起錶。如果玩家唔肯畀錢嘅話，佢哋就會動用武力威嚇，直至玩家畀錢為止。而玩家為免惹麻煩，許多時都唔敢報警，結果坐大咗呢啲惡勢力。
如果有留意開台灣夜遊界新聞嘅話，都會留意到佢哋真係有唔少外籍兵團喺度搵食，當中除咗有嚟自越南、泰國之外，仲有俄羅斯、捷克，甚至希臘等東歐國家嘅金絲貓。究竟喺芸芸嘅外籍女郎中，邊個地方嘅囡囡最受歡迎呢？據當地嘅業界人士指，以俄妹最受玩家喜愛。其實早喺上世紀90年代，就已經有唔少俄妹喺台灣搵食，當年佢哋打住金髮美女嘅旗號及身材高挑作為賣點，縱然價錢昂貴，仍然不乏捧場客。雖然家陣俄妹嘅數量比以前少咗，但係喺好奇心同食西餐嘅心理作祟下，仍然大有市場。至於服務費方面，由10,000台幣（約2,500港元）起，質素愈高價錢愈貴，聞說最貴高達50,000台幣，即約12,500港元，果真係物以罕為貴！
今時今日嘅玩家要求愈嚟愈高，以前啲日本風俗孃，單係打住巨乳兩個字，就已經可以吸引到玩家捧場，但係家陣單靠巨乳作招徠已經唔夠吸引力，因此位於日本栃木縣一間風俗店，就以巨乳OL加上40分鐘短敍套餐作為賣點。呢間風俗店一直以嚟都以巨乳娘吸引玩家，但係隨住時間推移，玩家已經玩到厭，加上日本經濟不景關係，令生意更加難做。有見及此，風俗店加入OL元素，將風俗孃打造成白領女郎之餘，更推出40分鐘短敍套餐。須知道巨乳OL對日本玩家嚟講，向來有極大嘅吸引力，加上短敍套餐嘅價錢比一般嘅60分鐘套餐價平一截，最重要嘅就係當中免去一切嘅指名費等雜費，名副其實折實價，難怪呢個套餐玩家爭住食啦！
撰文：魂