呢期個個都喺度討論激光劍同白兵，之唔係因為《星球大戰》（Star Wars）上映囉！既然大家講得咁雀躍，小弟梗係唔執輸講埋一份，一於同大家講吓「War」呢個字。唔好以為最多得床戰一個解釋，查實佢喺情慾字典中，不知有幾咁多個有趣嘅意思呀！
「Guerrilla War Sex」呢個詞語好似好複雜，查實可以分開嚟解釋，大家自然會明白佢講緊乜。所謂Guerrilla War即係游擊戰咁解，加埋Sex呢個字，意思即係打游擊戰般嘅性愛。仲唔係好明？等我再詳細啲講一下啦！呢個詞語通常用嚟形容喺派對上周圍獵艷嘅男女，由於佢哋無定向咁搵目標，當成功獵艷後就會匿埋開戰，事後返回派對場地繼續尋找獵物，呢種行為就稱之為「Guerrilla War Sex」。要留意嘅係，佢同換伴玩法「Swinging」唔同，後者係指已經有固定伴侶嘅男女，與另一對男女交換伴侶嚟玩，大家千祈唔好混淆，否則就笑死人。
「War Paint」呢個英文其實有三個唔同嘅意思，而當中最為人所熟悉嘅就係指女人嘅妝容化得太重手，搞到塊面好厚粉。至於其餘兩個意思就鹹濕得多，一個係指男士喺女伴面上發射，搞到成面白汁，而另一個意思則解做男女為咗吸引伴侶，喺面上以可食用嘅彩繪筆畫上誘人嘅圖案，透過對方舔食以提升性愛樂趣。未聽過可食用嘅彩繪筆？其實呢種產品已經推出咗好耐，仲有好多顏色選擇添！呢啲筆一般稱為「Body Pen」，成分包括沙糖、植物油等，而味道方面，有朱古力、士多啤梨、檸檬等選擇。
呢邊廂《星球大戰》上映，那邊廂四仔界早就將呢套經典電影系列惡搞一番，好似呢套由美國著名四仔片商Private Media Group推出嘅《Porn Wars Episode 1: Cum Join The Force》咁，就打正旗號惡搞《星球大戰前傳》作為賣點。咪以為呢套喺2006年推出嘅惡搞四仔製作好求其，其實佢不知幾咁認真，成套四仔有晒電腦效果，有唔少星空戰鬥場面，又搵嚟著名四仔導演Kovi執導，加上Mya Diamond、Nikky Rider、Lisa Honey等人氣脫星坐鎮，難怪呢套投資高達100萬美元嘅四仔，喺2007年第24屆AVN頒獎禮中獲得最佳外國脫星參演獎項。至於故事方面具原創性，講述黑暗勢力屠殺兼凌虐Jodi武士，及後首領將一班索爆Jodi武士送咗去一個偏遠星球，靜待復仇嘅機會。呢部作品極受歡迎，之後食住個勢推出續集。
如果問有邊位AV女優可以掀起床上激烈戰火嘅話，一定唔可以唔提戰鬥力強橫嘅綾乃梓。呢位喺1983年6月15日出生嘅女優，喺入行前已經客串演出AV，及至2004年佢以IdeaPocket專屬女優身份正式投身AV界。身高5呎9吋、擁有40J車頭燈嘅綾乃梓，外形的確好吸引，可惜由於佢身材太高挑關係，好難搵到一個可以同佢匹配嘅男優，因而演出機會唔多。為咗爭取上位，佢喺床戰上狠狠咁下苦功，結果皇天不負有心人，終於練成狂野兼強橫嘅戰鬥力，自此人氣極速上升，及後被AV大廠Moodyz收歸旗下，推出多部重口味AV，令人印象深刻。阿妹出色嘅表現，令佢喺2005年獲得「2005 THE NICE BODY賞」第5名，實力有目共睹。喺2006年佢宣布引退，令唔少AV迷傷心不已，幸好喺2008年佢改名一戶希復出，拍咗超過50套AV，到2010年正式引退。
撰文：魂