夜場中人究竟係講金定講心，相信大家心裏早有答案。其實作為賣笑嘅夜遊業，雖然有啲真係同玩家講心嘅人同事，但係呢啲只屬極少數，尤其係喺呢個講求速度同方便嘅世界，仲同你講埋呢啲咁唔實際嘅嘢，不如花多啲時間諗吓點樣搵真銀好過啦！
以前北上玩樂前一定要做足功課，所謂功課即係問吓一啲北上老手。依家大家則會從網上搵料，睇埋其他玩家嘅報告先至出動，若然有埋相嘅話，可信性會更加高。正當大家仍然處於網絡搵相階段時，其實內地夜遊業又起咗變化，就係透過手機聊天軟件嚟拉客。玩家不但可以透過軟件中嘅相片功能，睇到囡囡嘅樣同身材，睇啱之後可以即時聯絡對方約地點同時間，甚至可以直接同囡囡接洽，夠晒方便快捷。不過上述講緊嘅只係玩家層面，對於夜遊業界嚟講，為咗可以適應呢種新興推廣潮流，更衍生出一種專為佢哋而設嘅網絡營銷服務公司。呢啲公司會僱用多名網絡銷售人員，透過網絡聊天工具每日發布夜遊資料，包括夜店地址、環境、聯絡電話、囡囡相片等乜都有。專業嘅佢哋為咗避開敏感詞語，更採用一啲暗語嚟代替色情服務，令到相關行業資訊極速傳播。
對囡囡嚟講，接客嘅嘢梗係多啲嚟密啲手，先至可以搵得更加多銀。不過對喺台灣搵食嘅過江鳳嚟講，佢哋卻猛呻做得愈多蝕得愈多，點解會咁呢？話說早前有6名嚟自廣東同福建，年齡介乎25至30歲嘅女子，表面上到台北觀光，實際上則係透過當地嘅夜遊業者安排佢哋到指定嘅賓館，然後每個人一間房，以網絡群組嚟拉客。玩家上到門後，如果覺得囡囡唔合眼緣，可以去另一間房睇女。至於全套服務價，則為3,600台幣（約900港元）。及後，呢個竇口被查獲，一班被捕囡囡並唔係抱怨被捕，而係抱怨做咗差唔多一個月，只係每次實收得1,800台幣（約450港元），其餘一半收入則被旅館同中介人瓜分，佢哋仲話「明明至少拿2,000台幣（約500港元）！」「抽（佣）好兇（即係厲害）！」甚至直言被人呃。先唔講佢哋實情搵幾多，只係每個客少賺50港元，計落又真係好蝕喎！
撰文：魂