寫真事必要「乾淨」先合格？定還是「乾淨」先可以稱得上寫真呢？不論歐美日推出嘅寫真集都離唔開陽光與海灘、花花草草，而模特兒更係一塵不染，展現出唯美無菌感覺，但呢種「倒模式寫真」又係咪觀眾想睇呢？未必，太過潔白無瑕其實更偏離現實，或者污糟邋遢更可呈現頹廢美！生於1950年嘅美國攝影師Chas Ray Krider，喺攝影界打滾多年，由商業到藝術攝影，Chas Ray Krider自言已影到無法再令佢提起興趣，近10年開始專職人像攝影，佢發現最能提起激情竟然係同性有關題材，自此醉心裸體攝影，加上佢已一把年紀，對舊事舊物零舍有興趣，因此喺佢嘅作品大多極有復古味，連Model嘅胸圍底褲款式都舊過人！除咗鍾意懷舊，Chas Ray Krider亦愛展露人性陰暗一面，喺拍攝寫真過程中，唔會有生硬甫士，只會捕捉囡囡全程投入自摸搓波，呈現當事人最真實嘅快感！