男人流血不流淚，小弟除咗切洋葱之外都好少落下男兒淚。之不過，最近久未活躍嘅淚腺終於被大幅激活起嚟，眼淚忍唔住流到成臉都係！唔係我又畀女飛呀，亦唔係差個號碼就中六合彩頭獎，而係近年最欣賞最活潑最具實力嘅頂尖女優上原亞衣引退！亞衣點解要引退呢？引退之後又會做乜呢？我哋就即刻從佢嘅訪問了解一下啦！
數到近年紅遍亞洲嘅日本AV界女優，有暗黑志玲之稱嘅波多野結衣當然係當之無愧，不過除咗結衣之外，仲有另一個衣一樣紅透半邊天，佢就係上原亞衣喇。上原亞衣青春活潑又好波，最重要嘅係演出時好似擁有無窮體力咁同男優勁砌勁做，展現出嘅活力同用心認真值得大家拍多兩下手掌加以讚許。好可惜，上原亞衣喺剛過去嘅AV OPEN 2015上台領獎時，突然宣布明年初就會同大家講拜拜，會完全引退AV界。亞衣嘅引退宣言唔單止震驚AV OPEN嘅現場觀眾及AV業界人士，消息傳開去，更加有好多傳媒爭相報道，亞衣為日本成人博覽演出期間，傳媒即時搵佢做專訪，依家就睇吓亞衣點解要引退啦！
問 ：引退決定咗幾耐呢？
亞衣：上年三月左右已經有引退嘅念頭，當時喺「DMM AV大賞 2014」獲得最優秀女演員獎，之後又憑《100人×中出》喺AV OPEN 2014奪得重量級部門冠軍後，喺AV界奮鬥嘅目標就好似消失咗一樣，但係為咗回報AV迷嘅支持，就一直做到今時今日。
問 ：目標嘅意思係……？
亞衣：我起初拍AV嘅時候，多數以拍攝多人企劃作品為主，亦有演出過連名字都冇被公開嘅素人作品。直到現在，大家都認識我，能夠有資格喺舞台上致詞，可以話已經達到發光發熱嘅目標，喺呢個時候引退我覺得好高興。
問 ：引退之後打算做乜呢？
亞衣：雖然話引退，但係十二月先會拍攝引退作品，作品就會喺明年春季推出。引退之後會做乜呢？暫時仲未有仔細考慮，現時正同身邊嘅親友商量，有關我未來嘅發展請大家留意我嘅微博啦。
問 ：你覺得AV界又係一個點樣嘅世界？
亞衣：對於我嚟講係一個閃閃發光嘅世界，能夠真正快樂咁工作，而且你愈努力就愈能夠發放光芒以及獲得認同。不過最初嘅時候我都會覺得AV界有好多不明白嘅地方，甚至覺得可怕，幸好得到大家嘅支持同鼓勵，令我可以繼續做落去，體驗到好多人生未遇過嘅經驗。
問 ：咁你對AV世界仲有冇依戀呢？
亞衣：已經冇喇，想做嘅事都已經做晒，而且每件事都充滿真實感。
問 ：拍咗咁多部AV，印象最深刻嘅係邊部？
亞衣：上年獲獎嘅《100人×中出》令我印象深刻，而最近完成嘅《100人×中出絕對地濡濕使之懷孕的學園》同樣好深刻，因為呢部作品係我哋一共七個女仔好努力咁一齊完成，而且仲喺今次AV OPEN 2015奪得總合部門第三名。
問 ：最後你有咩說話同支持者講？
亞衣：我認為一個AV女優嘅人生大部分都係因為支持者而存在，我自己亦相當依靠支持者提供工作嘅動力，多謝大家一直支持，言語已經唔足夠表達我對大家嘅謝意喇！多謝！真心多謝！
上原亞衣喺個人通訊網頁亦有一則引退宣言，內容大致係感謝大家嘅支持，同時表示明年引退前，會有好多活動要演出及同大家度過，希望可以同支持者製造更多美好回憶。想睇呢則宣言，以及收到亞衣嘅最新消息，可以Click上www.idol-talk.com/ueharaai/newsdetail.php?id_blog=1629。
上原亞衣引退絕對係廣大AV迷嘅重大損失，小弟亦相當失落。亞衣初出道小弟唔睇好，嫌佢面形太闊，兩條眼眉色淺毛疏，好似冇眼眉咁款，睇落唔順眼。但呢幾年亞衣脫胎換骨，面孔、身材、演出都突飛猛進，拍完二穴中出又去拍四仔，回歸三仔界又成功吸納強勁人氣。上年小弟兩次同佢接觸，發覺阿妹甜美又親切，論身材未必算完美誘人，但卻散發出獨特迷人嘅星味，好可惜，咁有潛質嘅女優明星要引退……
撰文：賢