一夜情喺唔少喜愛夜蒲嘅族群當中時有發生，之不過呢樣嘢可能已經不合時宜，因為外國家陣興起半夜情。另外，相傳中國古代有好多房中術秘訣，最近美國人仲開始研究箇中技術添！
隨時代變化，一夜情已經進化到變成半夜情！點樣半夜情法呀？美國一本時尚雜誌女編輯兼專欄作家Tess Koman就表示，近期佢接觸過唔少女性，發覺佢哋嘅夜蒲習慣已經同以前大有不同，以往佢哋會尋找一夜情對象，但係家陣一夜情已經唔能夠滿足到佢哋，事關呢班囡囡對性愛有更高要求，如果發現對方性能力同其他地方唔合乎自己要求，好多時只會幫對方吹奏或手作仔算數，之後就分道揚鑣，趁時間尚早又再搵另一個對象，分分鐘一晚連續獵男幾次先滿足到需要。個人認為佢哋又冇錯，合則來不合則去，橫掂預咗一晚時間出嚟玩，點都要搵個合心水嘅對象啦！
近年我國可謂大國崛起，無論喺經濟上定係軍事上都創造出驕人成績，認真係舉世矚目，中國萬歲！中國好嘢！我唔係擦鞋呀！我哋中國除咗影響世界經濟同軍事發展，仲影響到世界嘅房事技術呀！最近有美國人研究中國道家房中術，仲讚揚當中理論可以令房事質素提高，甚至有助透過房事促進男女雙方嘅身體健康喎。當中最多人研究嘅就係九淺一深，佢哋話淺度探入嘅運動可以增加男性嘅持久力，同時令女方更易獲得高潮；至於深度探入則可以加深刺激女方。而有關學者就表示大家上床嘅時候可以從九淺一深做起，慢慢增加到八淺兩深，最後去到一淺九深，亦可以憑經驗而自設不同深淺組合，尋找更強嘅房事樂趣。
撰文：賢