秋高氣爽除咗登高，最好就係BBQ啦！三五知己或一家人去燒嘢食，認真係聯絡感情嘅上佳活動。之不過，作為一個單身男子，有朋友同家人可能仲未得到滿足，梗係有女陪燒至係最爽。一班日本AV女優早前就齊齊出動，同全班男粉絲舉行燒烤會，有女優陪燒陪食陪玩，燒烤爐未透火，班粉絲個個都已經着晒火喇！
家陣想享受燒烤樂趣認真方便，以往晨咁早就要去郊野公園嘅燒烤區霸燒烤爐，不過現時屯門、元朗、大埔都有好多燒烤場，有齊食物飲品供應，交通配套良好而且打個電話就可以訂位，兩手空空行入去就可以燒餐飽喇。香港嘅燒烤場的確係唔錯，之不過我就比較鍾意去日本燒烤，唔係因為外國嘅月亮特別圓，而係有AV女優相伴呀！上個月中，AV事務所mine's又舉行一年一度嘅女優燒烤會喇！當日事務所出動11位專屬女優，陪同70位粉絲去到東京一個公園嘅燒烤場玩足半日，有得食、有得飲，仲有女優招呼，你話呢種燒烤會係咪無得頂先？更加無得頂嘅係當日出動嘅女優當中，有唔少都人氣高企，包括曝光率超高嘅上原亞衣、紗倉真菜、君戶步實以及小島麻奈美，個個都青春活潑，嬌美可人，而且實力強勁，事實上，要佢哋招呼七百人都冇難度。
燒烤會當日一班女優唔單止冇掛住食，又或者喺度行行企企等收工，唔少都親自下廚，為眾多畀面支持嘅粉絲燒一燒，好似君戶步實咁就精心炮製燒牛肋骨，至於上年已經表現出驚人廚藝嘅上原亞衣，又再表演日式鐵板炒麵，至於打扮光鮮整潔嘅夏目愛莉亦唔怕污糟同辛苦，將蔬菜切細方便大家用嚟燒。見到一班女優咁落力，粉絲都有幫手，大家通力合作令燒烤場氣氛更為融洽。有得食當然有得飲，啤酒由大會提供，飲完仲有得吹！因為其中一個好玩嘅玩意就係吹番梘泡，君戶步實同小島麻奈美有嘢畀佢哋吹，不知幾咁開心。另外，燒烤會亦同場加映攝影活動，想同女優合照又得，女優擺定個姿勢畀大家影亦得，由於場地始終都係公眾地方嘅關係，女優唔可以換比堅尼上陣，雖然係咁，大家都玩得不亦樂乎，下次我都要去燒埋一份呀！
日本AV事務所相當多，坐擁最多AV女優嘅相信就係mark's，不過講到最親民嘅就一定係今次舉辦女優燒烤會嘅mine's喇。mine's擁有嘅專屬女優唔算多，大概只有廿多個，當中就以紗倉真菜、上原亞衣同小島麻奈美最出名最具實力。mine's多年來都樂於搞活動，讓廣大AV迷能夠有更多機會同女優接觸，近幾年除咗搞大型燒烤會，喺聖誕節亦會搞聖誕聯歡會，另外亦有一系列暑期活動，例如遊船河等，可謂造福AV迷。當然，眾多活動都收取參加費，亦為事務所帶來不少收入啦。
撰文：賢