好多女仔都話男友唔了解佢，其實絕大部分人連自己都唔了解，更遑論係了解別人呢？之不過，書本可以增長知識，亦可以幫助大家了解異性，要了解外在可以睇吓寫真集，從中觀察女性嘅外在美；內在則可以睇吓各種探討女性內心嘅工具書，相處起嚟就自然又自在喇！
日本好多寫真女郎來自賽車界，由賽車女郎轉型為寫真偶像，之不過當中能夠大紅大紫嘅例子唔多，而安枝瞳就可以話係近年轉型最成功嘅一位。今年27歲嘅安枝瞳憑住迷人氣質、標致五官以及婀娜身材，連續4年成為日本超級耐久跑車賽嘅形象女郎，安枝瞳就係挾住呢個名堂跳入寫真界並獲得大量演出機會。自今年1月安枝瞳推出首本個人寫真集之後，喺雜誌及其他媒體嘅曝光率與日俱增，大家除咗欣賞佢嘅美貌，更封其桃子形美尻為「國寶級」。而喺最新寫真集《害羞》當中，安枝瞳就會盡情展現呢個國寶級靚股嘅誘惑光芒，換上多款T-Back，甚至係唔着底褲將屁股嘅彈性、圓潤度以及光澤表面表露無遺。
書名：《害羞》
售價：約HK$243
喺性方面，究竟女人想要咩呢？擁有兩性關係性學博士嘅女作者Emily Nagoski，多年嚟專注於男女性愛關係研究，從科學角度研究男女高潮反應、藥物對人類快感幫助，以及探索男女大腦於性愛過程反應等。呢本書《Come As You Are》係Emily Nagoski十年來對性愛研究嘅心血結晶，談科學亦講性，自女用「偉哥」面世，令全球女士趨之若鶩，但Emily認為藥物治標不治本，雖然可解決當下困擾，但長遠而言始終要解開「死結」，方可享受到真實高潮！因此，佢認為女用「偉哥」再有效都唔及去了解自己性慾世界更令人興奮！Emily表示女人身心嘅反應，就如指紋般有獨特性，女士既需要依據別人經驗去判斷自己，但同時要了解自己真正需要甚麼，然後用方法實踐，剔除多餘或討厭的性行為，只有咁做，女人先會享受到高潮，擁抱充實性生活，否則，每次都係由伴侶主導情況下進行性愛，你永遠都只係洩慾機器！
書名：《Come As You Are》
售價：約HK$133
撰文：賢、祖