惡搞超級英雄四仔已經夠勁，而官方Trailer獲百萬點擊就更加勁勁勁呀！證明惡搞英雄系列真係有得諗，睇怕未來3年都仲有得玩呀！話時話呢段Trailer早喺5月底掟上YouTube，兼且係刪剪版，即係老少咸宜都睇得，而四仔碟就喺6月中旬派街，估唔到3個月就突破100萬點擊，美國傳媒指係有史以來第一套四仔Trailer可以有咁高點擊，勁呀！除咗投資嘅Wicked Pictures片廠要開香檳之外，最開心都係導演Axel Braun喇，事關呢位男優兼導演未來不論係落床砌定手執導演筒都會開天索價，分分鐘登上全球十大最有錢男優添呀！但就算有百萬點擊率，Axel哥都唔得閒慶祝，亦難以喺短期內開拍續集，原因係佢忙緊另一套惡搞四仔《小飛俠XXX》（Peter Pan XXX: An Axel Braun Parody）後期製作，唔知呢套又有冇咁好收視呢？