美色誘人 增廣見聞

剝賀十五年

人無百日好，花無百日紅，日本水着界競爭激烈，要成功上位唔容易，要出道多年都能夠保持人氣更加係難上加難，之不過，只要本身優質又有決心，總能夠谷底反彈，磯山沙也加就係其中一個成功例子喇。今年32歲嘅沙也加出道15年，當年佢憑住一副可愛童顏加上豐滿上圍而成功彈起，迷盡萬千男兒。可惜，沙也加身形愈嚟愈肥，後來仲搞到變咗肥妹，人氣亦開始下滑。幸好，近年沙也加努力收身，家陣雖然仲有少少肉感，但係身段已經再現線條美，一對天然又夠彈性嘅F奶依然誘人。為慶祝出道15周年，沙也加特別推出最新亦係佢第22本嘅個人寫真集《milimili》，當中佢去到景色優美嘅峇里取景拍攝，以性感又少布嘅泳裝凸顯豐滿身材嘅魅力，亦會嚟個光豬上陣，以一點不露嘅赤裸姿態顯示自己重新開始，將當初迷倒男人嘅吸引力重新發揮。當中更加嚟個半裸演出，散發出嘅誘惑魅力比好多後生女有過之而無

不及。

書名：《milimili》

售價：約HK$265

心動不如行動

各位女士，知道乜嘢叫「終極高潮」冇？或者大部分女性連高潮都未有試過，更遑論「終極」咁遙不可及嘅快感呢！之不過如果你對性有需要、有要求、有夢想的話，咁今日介紹呢本書《O Wow: Discovering Your Ultimate Orgasm》絕對係你人生嘅「終極天書」。先旨聲明，本書內容好長，因為好詳盡，但亦好悶，因為由女性生理講到心理，然後再了解埋對手生理同心理，經過反覆多次實證先或會到達終極高潮，就正如本書所講，終極高潮來自「質疑、探究、實驗」，利用每一個埋身肉搏機會，去挑戰自己及對手，去嘗試更多新玩法，去記錄每一次過程，或者你會覺得搞嘢煩過返工，不如唔搞好過。但作者Jenny Block以過來人身份話畀姊妹聽，高潮最終係屬於你，你有權享受，將夢幻變成真實，滿足高潮、滿足生活。講咗咁耐，咁何謂終極高潮呢？據作者所講，每個女人身體構造都唔同，性愛並非紙上談兵，呢本書唔會有咩「十大完美體位」或「性愛法則」，事必要了解你自己身體狀況、個人長處及缺點，先會體驗到獨一無二嘅高潮！

書名：《O Wow: Discovering Your Ultimate Orgasm》

售價：約HK$100

可射而不可射

床上持久力呢個問題，一直以嚟都係男人最為關注嘅問題，皆因係男人都希望能夠成為持久悍將，可惜因為種種原因，致令唔少男士功敗垂成。究竟有乜辦法可以有效提升男士床上持久力呢？著名Tantra性學家桑摩雷波葛斯

（Somraj Pokras）就透過自身經驗，為大家帶嚟可以延長持久力方法嘅著作《終極控精術》（Ultimate Ejaculation Mastery）。呢位喺25歲已建立成功治療事業，並曾為世界500大企業從事培訓顧問，教授人際溝通、交際能力同管理技巧。喺佢知命之年開始接觸Tantra性愛，並喺幾年時間內掌握箇中竅門，於是透過呢本用詞簡單，方便初學者快速上手嘅著作，為男士介紹最簡單又有效嘅提升持久力方法。書中內容除咗講述點樣控制爆發時間嘅技巧外，仲會提供平時練習嘅方法，等大家可以練成床上馬拉松高手！

書名：《終極控精術》（Ultimate Ejaculation Mastery）

作者：桑摩雷波葛斯（Somraj Pokras）

譯者：江瑞龍

價錢：約HK$75

撰文：賢、祖、魂