家陣呢種天氣開始食蛇進補的確係好主意，之不過秋風起三蛇肥，進補過度唔單只會致肥，仲有機會增加患上三高嘅風險，大家切記唔好過度進補。然而，開卷進補就多多都唔怕，今日就為大家介紹火辣寫真同情色小說，大家必定睇到成身(興)合合！
日本水着女優推出寫真集係理所當然，不過AV女優出寫真集則需要有兩個條件，第一係要有外在美，第二就係夠人氣，
鈴村愛里毫無疑問符合晒上述條件。愛里係日本AV廠Prestige嘅專屬女優，地位僅次於一姐彩美旬果。論質素，愛里絕對唔輸蝕畀一姐，氣質高貴秀麗，皮白肉嫩，身材婀娜纖巧，極討AV迷歡心，上年喺DMM大獎當中，其作品《絕對的美少女，借出。》就獲AV迷選為最優秀作品獎。最近愛里挾住強勁人氣成功衝出AV界，推出首本全裸寫真集《告解》，解放其嬌美又雪白嘅胴體，同時展露柔弱而惹人可憐嘅一面，當然楚楚可憐只係表面，從其表情同動作中可以見到呢位小美人淫在骨子裏，誘惑無比。
書名：《告解》
售價：約HK$243
唔少女仔都幻想自己係公主，總有一日會遇到王子，從此兩人過住幸福快樂嘅生活。可惜世上邊有咁多靚仔又有錢嘅王子吖，再者你又係咪好似公主咁玉潔冰清先？呢本《Cinderella Has Cellulite: And Other Musings from A Last Wife》可謂童話式偷情小說，故事女主角Cinderella係一位雜貨舖員工，每日工作沉悶又操勞，不過阿妹一啲都唔Hea，反而積極裝備自己，化行妝扮到靚靚返工，喺工作時間更不忘做瑜伽鍛煉自己，雖然Cinderella係好多人溝，可惜每段感情都係無疾而終，直到有一日，王子Prince Charming去到舖頭買嘢，二人愛火一撻即着，阿妹以為終於等到王子出現，點知後來發現呢個所謂王子原來係溝女王，鬼咁多女友之餘，仲有老婆，究竟最後Cinderella會選擇斬纜，抑或繼續同王子發展呢？
書名：《Cinderella Has Cellulite: And Other Musings from A Last Wife》
售價：約HK$90
對我哋嚟講，對火星嘅認識真係分分鐘多過對伊斯蘭世界，只係知道佢哋有好多好多嘅戒條，而講到性，更係一個極為神秘又禁忌嘅話題。嚟自伊斯蘭世界嘅女作家娜吉瑪（Nedjma），以文字揭開呢個神秘文化之下嘅性愛觀。喺好多人眼中，阿拉伯女性都係偏向保守，而呢位女作家又係咪咁呢？可以話畀大家知完全唔係！事關內容大膽露骨，令人想入非非。佢繼2005年推出哄動全球嘅處女作《杏仁》後，再推出續集作品《激情的沙漠》（D'ambre et de Soie）。作為《杏仁》嘅續集，故事繼續以阿拉伯式性愛盛宴風格展開，故事中嘅女主角雖然已屆熟女之齡，但風情萬種，卻因為放浪嘅生活而被人視為淫婦。至於男主角不但年輕有型，床上經驗豐富，實情內心空虛無比。當淫婦遇上年輕型男時，互相吸引卻又互相排斥，兩人嘅關係就喺呢種微妙嘅狀態下，陷入無法自拔嘅深淵。
書名：《激情的沙漠》
作者：娜吉瑪（Nedjma）
譯者：黃琪雯
售價：約HK$73
撰文：賢、祖、魂