這半年這個內地的手機通訊App真是相當熱鬧，因為它除了具備通訊的功能，還有個可以跟朋友「些牙」資訊與照片的朋友圈，我說「熱鬧」，是因為裏面愈來愈多人Share各種夜遊News，「啲場喺報紙、雜誌、網站賣廣告梗係有效啦，但呢幾年嘅經驗話畀我哋知，你愈張揚愈快死，呢段時間風頭火勢，邊個仲敢凸個頭出嚟？」跑內地線的同事早就轉回香港繼續工作，不過他依然相當關注上面的夜場情況，「而且經過幾場掃蕩，好多以前嘅大場都化整為零，唔少經理、媽咪帶幾條女就出嚟搵食，咁以佢哋嘅規模，用手機傳消息都係合適嘅。」
同事說，用手機吸客，除了相對低調，還有一個好處，「就係可以隔走一啲你唔想要嘅客人，好似我有啲內地經理Friend開咗啲私竇，只想做港客的話，佢就只會加港區嘅電話，咁做，雖然唔係百分之百完全篩選，但感覺上比起開個網站咩人都入得嚟較安全，係呀，分分鐘避埋啲有關部門。」同事也補充說，現時深圳這類靠手機通訊平台拉客的檔口不少，只是服務質素以至價位都參差不齊，「所以唔熟我係唔會去，出事邊個賠呀？」
撰文：黃韋龍