家陣好多人做運動嘅時候都會戴番條智能運動腕帶，計吓自己做完運動可以消耗幾多卡路里，其實床戰一樣得，有一個網站就提供計算器畀大家計吓數。想喺床上生龍活虎，平時做運動當然有幫助，如果加埋食療就更好喇，有研究話南瓜有助性功效。網上有好多淫照意外流出，原來好多被拍嘅女仔都係自願，好似喺日本就有3成女仔答應被男友拍裸照。
做運動瘦身減肥要知道效果，當然要按自己所做嘅運動同時間去計一計，睇吓運動過程當中能夠消耗幾多卡路里啦。床上運動咁激烈，一樣消耗好多卡路里喎，如果想計一下又可以點呢？大家可以Click上https://onlinedoctor.superdrug.com/services/widgets/sexercise/睇睇。呢個網站為大家提供咗一個簡單易用嘅床戰計算器，只要輸入自己同床伴嘅體重，再輸入埋床戰招式以及做咗幾耐時間，計算器好快就可以計出該次床戰消耗咗幾多卡路里。另外，網站附設運動消耗數據表，畀大家對比一下自己所做嘅床上運動效果，等同做邊一項運動，實在相當方便。
喺萬聖節除咗可以見到好多人扮鬼扮馬外，仲可以見到好多南瓜飾物，外國仲有好多人會自製南瓜燈籠應節。不過，各位男士喺今個萬聖節就唔好做南瓜燈籠浪費食物喇，不如食咗個南瓜仲好，因為南瓜有助提升性能力。據《本草綱目》指南瓜有補中益氣、清熱除濕之效；美國芝加哥嗅覺與味覺治療及研究中心嘅Alan Hirsch博士經研究就發現南瓜嘅香氣可以促進血液流向男人嘅命根，如果將南瓜香味同薰衣草香味混合，效果更加高達百分之四十！另一位博士Ralph Monserrat亦表示南瓜同蠔一樣含鋅呢種礦物質，食完之後可以增加體內嘅睾丸酮水平，令男人產生性衝動，喺床戰上更加勇猛！嘩！人嚟呀！快啲幫我準備南瓜湯、南瓜蒸排骨。
女為悅己者容，女仔都鍾意為吸引異性而悉心打扮以及令身材更加苗條，至於男士絕大部分都好樂意去欣賞伴侶嘅胴體，甚至為對方嘅身體影相留為紀念，得閒就拎出嚟細意欣賞一番。之不過，經歷過咁多淫照流出事件，好多女仔都有自我保護意識，故此對男方提出拍裸照留念嘅要求予以拒絕。而喺日本，女仔相對開放不少，有調查發現逾3成日本女性曾經被男伴拍裸照。接受調查嘅女性為3,308人，當中有百分之三十二嘅女仔表示曾被男伴拍過裸體以及性器官特寫照片，至於點解會答應拍攝，原因包括：對方表示係為藝術而拍、女仔趁青春留倩影，亦有人表示係入睡之後被偷拍，以及事後被男伴說服等。
撰文：賢