真係一年容易又中出，呀唔係！係中秋！每年臨近中秋，美國Inked Awards就會公布候選入圍名單，同時網友亦可以喺官網投票，你咪睇小呢個頒獎禮，佢為全天下嘅紋身脫星抱不平，得到業界男女脫星力撐，講潮、講公信力、講話題性唔差得過年終嗰兩個大型頒獎禮o架！
有頒獎禮即係有錢搵，但有錢搵即係主流，咁主流又點會顧你班小眾感受呢？咁所以，向來玩小品路線嘅色情工作者都被冷落，如果唔係ALT Porn到今日就唔會仲係歸入另類啦！但咪以為呢班小眾乜都唔出聲，得個做字噃！查實佢哋都有自己友選舉，就以今期呢個Inked Awards咁，不經不覺已踏入第4屆，雖然唔係愈搞愈大，但肯肯定多咗人留意，認受性亦強咗。查實Inked Awards簡單講即係紋身色情工作者頒獎禮，表揚一班有紋身又被外界認為紋得有美感嘅男女脫星，正如主辦單位表示，成立呢個頒獎禮嘅目的，係因為好多紋身色情工作者被歧視，成就被忽視，所以要為佢哋做番啲嘢，除咗脫星，裸模、視頻妹，連導演同片廠都會有獎。睇番過往嘅得獎者，真係實至名歸，愈撈愈掂，好似「蜘蛛女」Bonnie Rotten、癡女Juelz Ventura、黑妹Skin Diamond及四仔老闆娘Joanna Angel等大受歡迎，證明紋身妹唔代表冇人Like，甚至可以成為大眾偶像添！
講番今次Inked Awards 2015，頒獎禮於11月舉行，由即日起大家可以登入官網投票，所有獎項由全民公投選出。話時話，佢嘅投票網站真係做得唔差，簡而清，獎項欄目分明，一如以往設有16個獎項，其中最多人關注嘅獎項係「Camgirl Of The Year」、「Starlet Of The Year」及「Female Performer Of The Year」，雖然都係女女女，但首要條件係必須有紋身，兼且愈多愈好。上年Skin Diamond捧走「Starlet Of The Year」後火速上位，工作忙到甩轆，難怪業界紋身妹力撐頒獎禮啦。此外，唔少脫星亦出力支持，今屆由Draven Star及Karmen Karma擔任頒獎禮主持，Cali Carter同Catherine Tayler做表演嘉賓，據聞係跳脫衣舞添！至於邊件女先係焦點所在呢？網友就話裸模Britney Sha嘅紋身超Sexy，力推佢為今屆最佳紋身妹，若然你鍾意紋身兼睇紋身妹，記得投票兼（目及）實喇！
紋身就係想靚、想留念、想與眾不同，而Inked Awards就係表揚呢班紋身仔女。不過凡事總有兩面，有靚亦有醜，究竟業界邊位紋身妹被評為最醜呢？之唔係脫星Emily Knight囉，阿妹約3年前喺菊花位置紋咗個圖案，仲有英文字寫住「How Many Licks」，結果被人恥笑為最醜惡紋身，簡直係無腦玩殘自己之舉！
四仔界有咁多紋身脫星，究竟邊個係最多巴絲打Like呢？紅到出紋身貼紙嘅Bonnie Rotten？專捧紋身脫星嘅老闆Joanna Angel？定係今期紅到飛起嘅Kleio Valentien呢？統統都唔係，係早年被毆打到入廠，現已退役嘅Christy Mack先真，有網友大讚佢嘅紋身又靚又性感又夠型格，超正！
撰文：祖