日本AV廠E-BODY成立以來一直都為我哋AV迷獻上擁有超絕品胴體嘅火辣女優，在此向佢哋致以最崇高嘅謝意。之不過，近期E廠就好似玩到過晒籠，佢哋認為單係好身材都唔夠，硬係要為女優安排一個新身份以增加吸引力，只係你精我都唔笨，好多所謂嘅現役乜乜物物女優初亮相都難逃AV迷嘅法眼，一睇就知該女優其實早已拍過AV，一來唔係新人，二來身份備受質疑，最近E廠又畀人恥笑喇！今個月有位新人叫結城和葉，聲稱和葉係一名37歲人妻，仲話佢11年未做過愛，所以投身AV界尋慰藉，但係橫睇掂睇和葉都未夠30歲。好快AV迷認出呢位結城和葉早前同AV廠水晶映像合作過，藝名就簡簡單單用和葉二字，不過年齡就報稱20歲。點解一個女優可以喺一瞬間大咗17年呢？點解唔可以正正經經介紹呢位甚有質素嘅巨乳新人呢？