脫星搞鹹網 集資拍四仔

打破傳統

當IT脫星遇上四仔大話精，會產生乜嘢效果？原來係夾埋一齊開網站向全球鹹濕佬搵銀，雖然佢哋只係第一步，但相信呢盤生意會令好多業界同行模仿。早就識得利用各大網上平台宣傳自己嘅醒目女Ashley Sinclair，巴打玩嘅社交網阿妹都有玩，而新興嘅網站佢比你玩得更快。早前知名男性網站「Askmen」一篇分析脫星喺社交網影響力嘅文章，都搵Ashley做例子，大讚佢非常熟悉互聯網運作，色情成分以外，亦有潮玩其他生活App，對於提升人氣有幫助。而Ashley妹更照顧周到，採用「My Secret Payment」收取各種網站費用，保障用家私穩，難怪會員人數有增無減，巴打Like爆！

最近Ashley夥拍Dakota Skye開咗個新網站「dakotaandashley.com」，佢係非一般鹹網，打破傳統「自己四仔自己拍」，冇片廠、冇經理人，而四仔迷既係老闆、編劇，又係觀眾，呢個做法確實係四仔界首次，巴打只要上網就可以睇到贊助條件，基本分為白金、金、銀、銅四個等級，按照唔同等級可獲得不同禮遇，例如白金級贊助人可以得到四仔作品、親筆簽名相及製作花絮外，更可以到拍攝現場監工，雖然無得落場幫手，但都夠晒過癮啦！

期待上床

該網站並非一般限時限刻咁集資，睇兩位當事人對傳媒講解，相信係一直玩落去，一籌夠錢就開波，各位即管放長雙眼睇。至於Ashley咁醒目又勤力，點解會拍上「大話精」Dakota Skye呢？還記得喺4月時，阿妹先喺Twitter講咗一句「I'm Retired 」當劈炮，跟住封鎖晒各大社交網，自此無再喺四仔出現，當時阿妹講話要完成大學學位課程，大家都祝佢幸福，估唔到今次Dakota又當無事，仲對傳媒親口話非常期待上床執劑，同時可建立屬於自己品牌。照咁講，阿妹根本無意淡出幕前，反而係更加瞓身先真，事關網站名正係Dakota同Ashley二人嘅名字，咁即係Dakota並非客串，自己公司更要全力以赴。咁你話阿妹話走唔走仲唔係「大話精」，不過算啦，吹水根本係脫星本能，認真你就輸，假如真係打破四仔常規，細佬又唔介意呀！

籌旗快過火箭

巴打對於網上集資應該無乜信心，覺得純粹宣傳，甚至有人認為係呃錢。其他細佬就唔知，至少四仔界至今未出現過呃人錢，而且網上籌旗，尤其同成人娛樂有關嘅都9成達標，兼且達標速度快過火箭，例如創新情趣用品多數集資成功。又好似今期爆出嘅「玩裸聊換隆胸」網站「MyFreeImplants.com」，號稱為籌錢「整假波」，為天下女性提供集資平台，囡囡只要同用戶進行裸聊就籌到錢，早前有報道一位25歲囡囡網名Rebecca喺網站玩裸聊就籌到7,000英鎊，約84,000港元，雖然話網站會從款項中抽佣19%，但吹吓水又可以搵到錢，當兼職都唔錯呀！

網址：http://myfreeimplants.com/index

撰文：祖